ନାରୀ ନୁହେଁ ସେ ନାରାୟଣୀ

ସୁଖ ଭୋଗ ବିଳାସକୁ ଜଳାଞ୍ଜଳି ଦେଇ

ପରିବାରର ଖୁସି ପାଇଁ ଅମୃତ ବିଷ ପିଇ

ଜୀବନ ଯୁଦ୍ଧରେ ଅସହ୍ୟ ଯନ୍ତ୍ରଣା ସହି

କେବେ ପ୍ରଶଂସା କେବେ ନିନ୍ଦା କୁ ନେଇ

ଆଖିର ଲୁହ ହୃଦୟର କୋହକୁ ପୋଛି

ଦେବୀ ମାନବି ଦାନବୀର ନାମ ନେଇ

ତିଳତିଳ କରି ନିଜକୁ ସମର୍ପଣ କରି

ସୁଯୋଗ୍ୟ ବୀର ସନ୍ତାନର ଜନନୀ ହୋଇ

ସିନ୍ଦୁର ହଳଦୀ ଶଙ୍ଖା ସ୍ୱାମୀ ପାଇଁ ପିନ୍ଧି

ବାର ବ୍ରତ ଉପବାସ ପୂଜା ପାଠ କରି

ପ୍ରୟାସ କରେ ସୁନ୍ଦର ସଂସାରକୁ ଗଢିବା ପାଇଁ

ନାରୀ ନୁହେଁ ସେ ନାରାୟଣୀ ଅମୃତ ମୟୀ l