Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

KAUSHIK KUMAR HOTA

Inspirational Others


2.5  

KAUSHIK KUMAR HOTA

Inspirational Others


ସ୍ନେହମୟୀ ମାଆ

ସ୍ନେହମୟୀ ମାଆ

2 mins 536 2 mins 536


      ଚନ୍ଦନପୁର କ୍ରାନ୍ତିନଗର ଅଞ୍ଚଳରେ ଥିବା ଜଗନ୍ନାଥ ମନ୍ଦିର ନିକଟରେ ପାଗଳୀଟିଏ ଘୁରିବୁଲୁଥିଲା l ଛିଣ୍ଡା ମଇଳା ଲୁଗା, ନୁଖୁରା କେଶ l ହାତରେ ପଲିଥିନରେ ଧରିଥାଏ ମାଗି ଆଣିଥିବା କିଛି ଖାଇବା ଜିନିଷ l ମନକୁ ଯାହା ଆସୁଥାଏ ଗପି ଚାଲିଥାଏ l


       ସେଦିନ ଥାଏ ସ୍ନାନ ପୂର୍ଣ୍ଣିମା l ହଜାର ହଜାର ଲୋକ ମନ୍ଦିର ବେଢାରେ ଜମା ହୋଇଥାନ୍ତି l ସମସ୍ତେ ଉତ୍କଣ୍ଠାର ସହିତ ଜଗନ୍ନାଥଙ୍କ ସ୍ନାନ ମଣ୍ଡପକୁ ଚାହିଁ ରହିଥାନ୍ତି l ଶଙ୍ଖ, ଘଣ୍ଟା, ହୁଳହୁଳୀରେ ସ୍ନାନ ମଣ୍ଡପ ନିକଟ ଉଛୁଳି ପଡୁଥାଏ l


       ପବିତ୍ର, ସିପୁନ, ପ୍ରଜ୍ଞାନ, ରୋହନ ଓ ଆହୁରି ଅନେକ ପିଲା ନିଜ ମାଆଙ୍କ ସାଙ୍ଗରେ ଠାକୁରଙ୍କ ସ୍ନାନ ଦେଖିବାକୁ ଯାଇଥିଲେ l ପାଗଳୀ ହଠାତ ସିପୁନକୁ ଦେଖି ମୁହଁ ମୋଡି ଗାଳିଦେବାରେ ଲାଗିଲା l ସିପୁନ ବି ଛାଡିବା ପିଲା ନଥିଲା l ସଙ୍ଗେ ସଙ୍ଗେ ପାଗଳୀକୁ ଟେକାଟିଏ ମାରିଦେଲା l ପାଗଳୀ ଖୁବ ଜୋରରେ ରାଗିଗଲା l ପାଖରେ ପଡ଼ିଥିବା ବାଡି଼ଟିଏ ଧରି ଚିତ୍କାର କରି ସମସ୍ତଙ୍କୁ ଗୋଡ଼ାଇବାରେ ଲାଗିଲା l ସିପୁନ ଓ ତାର ସାଙ୍ଗମାନେ ସଭିଏଁ ମିଶି ପାଗଳୀ ଉପରକୁ ଟେକା, ପଥର ଫୋପାଡିବାରେ ଲାଗିଲେ l ତାର ଦେହ, ହାତ ଖଣ୍ଡିଆଖାବରା ହୋଇ ରକ୍ତ ବହିବାରେ ଲାଗିଲା l ଦୂରରୁ ଥାଇ ତାକୁ ଲକ୍ଷ୍ୟ କରୁଥିଲା ରୋହନ l ନିଜ ସାଙ୍ଗମାନଙ୍କୁ ଯେତେ ବୁଝାଇଲେ ବି କେହି ତା କଥା ଶୁଣିବାକୁ ରାଜି ନଥିଲେ l କିଛି ସମୟ ପରେ ପାଗଳୀ ନିସ୍ତେଜ ହୋଇ ତଳେ ପଡିଗଲା l


       ପରେ ସମସ୍ତେ ସେ ସ୍ଥାନ ଛାଡି ଚାଲିଗଲେ l ରୋହନର ଆଖିରୁ ଲୁହ ଝରିଆସିଲା l ସେ ପାଗଳୀ ପାଖକୁ ଯାଇ ତା ' ଦେହରୁ ରକ୍ତ ପୋଛିଦେଲା l ପାଖ କଳରୁ ପାଣି ଆଣି ମୁହଁରେ ଦେଲା l କିଛି ସମୟ ପରେ ପାଗଳୀର ହୋସ ଫେରିଆସିଲା l ସେ ରୋହନକୁ ନିଜ କୋଳକୁ ଆଉଜେଇନେଲା l ମୁଣ୍ଡ ସାଉଁଳେଇ ମମତାଭରା କଣ୍ଠରେ ଆଶୀର୍ବାଦ ଦେଲା l


        ରୋହନ ବି ଭାବୁଥିଲା ଯେମିତି ସେ ନିଜର ସ୍ନେହମୟୀ ମାଆ ପାଖରେ ଅଛି l ଦୂରରୁ ଏ କଥାକୁ ଉପ-ଜିଲ୍ଲାପାଳ ନିରୀକ୍ଷଣ କରୁଥିଲେ l ସେ ସ୍ନାନମଣ୍ଡପ ରୁ ଓହ୍ଲାଇ ଆସି ପାଗଳୀ ପାଖରେ ପହଞ୍ଚିଲେ l ତାଙ୍କ ପଛେ ପଛେ ରୁଣ୍ଡ ହୋଇଥିବା ଲୋକମାନେ ମଧ୍ୟ ଚାଲିଲେ l ଉପଜିଲ୍ଲାପାଳ ପାଗଳୀ ପାଖରେ ଠିଆ ହୋଇ ରୋହନକୁ ପାଖକୁ ଡାକିଲେ l ସମସ୍ତଙ୍କ ସମ୍ମୁଖରେ ରୋହନର ସେବା ଓ ପରୋପକାର ପାଇଁ ଖୁବ ପ୍ରଶଂସା କଲେ l ଲୋକମାନେ ମଧ୍ୟ ରୋହନକୁ ବାଃ-ବାଃ କଲେ l ସେହି ବର୍ଷ ସ୍ୱାଧୀନତା ଦିବସରେ ପ୍ୟାରେଡ଼ ପଡିଆରେ ଲକ୍ଷ ଲକ୍ଷ ଜନତାଙ୍କ ଉପସ୍ଥିତିରେ ରୋହନକୁ "ଆଦର୍ଶ ସେବା ପୁରସ୍କାର" ଉପଜିଲ୍ଲାପାଳ ପ୍ରଦାନ କରିଥିଲେ l 


        ସେଦିନ ରୋହନ ଅନୁଭବ କଲା ଯେ ମନରେ ଦୟା, ଧର୍ମ, ସ୍ନେହ, ଶ୍ରଦ୍ଧା ଥିଲେ ସମାଜର ଅନେକ ଉପକାର ହୁଏ l ସେଦିନ ରୋହନର ସାଙ୍ଗମାନେ ମଧ୍ୟ ରୋହନର ଉତ୍ତମ ଚରିତ୍ରରୁ ଅନେକ କିଛି ଶିକ୍ଷା ଲାଭ କଲେ l

     


Rate this content
Log in

More oriya story from KAUSHIK KUMAR HOTA

Similar oriya story from Inspirational