ତୁମେ ସତ ନା ମୋ କଳ୍ପନା

ତୁମେ କେଉଁ ଲେଖନୀର କଳନା 
       ମୁଁ ଜାଣି ପାରେନା ,
ତୁମେ କେଉଁ ସଙ୍ଗୀତର ରାଗିଣୀ 
       ମୁଁ ଗାଈ ପାରେନା ।
            ଆଜିବି ମୋ ମନ ଉତ୍ତର ପାଏନା,
            ତୁମେ ସତ ନା ମୋ କଳ୍ପନା । ।।୧।।
 ତୁମେ ଯଦି ନୀଳ ସାଗର ହୁଅ 
        ମୁଁ ଟିକି ଝରଣା ,
ସେଇ ସାଗରେ ମିଶିବା ପାଇଁ
        ମତେ ହେଇଛି ମନା ।
             ଆଜିବି ମୋ ମନ ଉତ୍ତର ପାଏନା ,
              ତୁମେ ସତ ନା ମୋ କଳ୍ପନା । ।।୨।।
ତୁମେ ଚକ୍ଷୁ ହେଲେ ଉଲ୍ଲୁକର 
       ମୁଁ ସୂର୍ଯ୍ୟ କିରଣ ,
ବିଧିର ବିଧାନେ ନାହିଁ ବୋଧେ 
       ଆମର ମିଳନ ।
               ଆଜିବି ମୋ ମନ ଉତ୍ତର ପାଏନା ,
                ତୁମେ ସତ ନା ମୋ କଳ୍ପନା । ।।୩।।