ତ୍ରିରଙ୍ଗା

ଏଇ ତ୍ରିରଙ୍ଗା ପାଇଁ 

ପ୍ଲାବିତ ହୋଇଛି ଅନେକ ରକ୍ତ

ଏଇ ସ୍ୱାଧୀନତା ପାଇଁ ଲୋଟି ପଡିଛନ୍ତି

ଅସୁମାରୀ ଦେଶ ଭକ୍ତ।

ଏଇ ତ୍ରିରଙ୍ଗା ପଳାତକର ନୁହେଁ

ପରାଜିତର ନୁହେଁ

ଲଢେଇ ଓ ବଡେଇର

ବିଜୟ ବୈଜୟନ୍ତୀ

ଐତିହ୍ୟର ମହ ମହ ସ୍ମୃତି

ସାମ୍ୟ ମୈତ୍ରୀ ଶାନ୍ତିର ସଂଗୀତ

ଏଇ କେବଳ ପତାକାଟିଏ ନୁହଁ

ଆମ ଶିରା ପ୍ରଶିରାର

ପ୍ରବହମାନ ରକ୍ତ।

ଗଣତନ୍ତ୍ର

ଏ ପତାକା

ନମିତ ନୁହେଁ

ଅର୍ଦ୍ଧନମିତ ନୁହେଁ

ଅଥଚ ନଇଁ ପଡୁଛି

ନହକି ଯାଉଛି

ଭାଙ୍ଗି ପଡୁଛି ଖୁଣ୍ଟ

ଦଳେ ଖଟିଖିଆ 

ମେହନତି ମଣିଷଙ୍କ ହାତରୁ

ବାରମ୍ବାର ଏ ପତାକା

ଲୁଟି ନେଉଛନ୍ତି ଦଳେ ମୁଖାପିନ୍ଧା ଦେଶଭକ୍ତ ।