ନିରବତା

ନିରବତା ତୁମେ ଯେବେ ଆସ 

ଭରି ଦିଅ ହୃଦେ ପ୍ରୀତି ସ୍ପନ୍ଦନ 

ବୁଢିଆଣୀ ଜାଲେ ବନ୍ଦୀ ଆତ୍ମଗ୍ଲାନିର ଜୀବାଶ୍ମ

ଅକଳ୍ପିତ ଅକସ୍ମାତ 

ସୃଷ୍ଟି କରେ ଭୂମିକମ୍ପ ମନେ

ମୁକ୍ତ ଆକାଶର ମୃଦୁ ତରଙ୍ଗେ

ଗୋପନ ପ୍ରେମର ନିଳୀମା ରଙ୍ଗେ

କାକର ଟୋପା ର ଆୟୁଷ

ଭରେ ମନେ ପ୍ରେମ ପୀୟୂଷ

ତୁମ ବଂଶୀ ସ୍ୱନ ଶୁଣି ।

ନିରବତା ତୁମେ ଯେବେ ଆସ

ଆଣିଥାଅ କିଛି ସ୍ମୃତି

କିଛି ଅନୁଭୂତି 

ଯନ୍ତ୍ରଣା ଜର୍ଜରିତ ମୁହୂର୍ତ୍ତରେ

ବସିଭୂତ ଶବ୍ଦ କୋଷର

ଶବ୍ଦ ସବୁ ଜୀବିତ ହୁଅନ୍ତି 

ତୁମ ବଂଶୀ ସ୍ଵନ ଶୁଣି। 

ନିରବତା ତୁମେ ଯେବେ ଆସ

ଦେଇଥାଅ କିଛି ଲୁହ

କିଛି ମିଛ ପ୍ରତିଶ୍ରୁତି

ଅସହାୟ ମନ ଵନେ

ତପସ୍ୟାରତ ହୃଦୟ ସ୍ପନ୍ଦନ

ଅଦୃଶ୍ୟ ସମ୍ଭାବନା

ଦେଖେ ପୁନେଇଁ ଜହ୍ନ

ତୁମ ବଂଶୀ ସ୍ୱନ ଶୁଣି।