ଧର୍ମ

ଏ ନର ଶରୀର ମିଛ ଅ‍ଂହଙ୍କାର 

ନ ରହିବ ଚିର ଦିନ,

କାଳ ବଳେ ସର୍ବ ମଶାଣି ଅଙ୍ଗାର

ହସୁଥିବ ଏକା କାଳ ।

ବାହୁ ବଳ ତୋର ଦୁର୍ବଳ ହୋଇଲେ 

ଧନ ବଳ ହେବ ନାଶ,

ଧନ ବଳ ଗଲେ ଜ୍ଞାତି ସହୋଦରେ 

ମାୟା ଯେ କରିବ ଗ୍ରାସ ।

ନ ଚିହ୍ନିବେ କେହି ଚିହ୍ନା ଲୋକ ହୋଇ 

ଥୋଇବେ ମଶାଣି ଜୁଇ,

ଜୁଇରେ ପାଉଁଶ ହେବ ତୋ ଶରୀର

ଧର୍ମ ଥିଲେ ସାଙ୍ଗ ପାଇ ।

ଏ ଘଟ କୁ ତେଜି ଅନ୍ୟ ଘଟ ଧରି 

ପୁଣି ସଂସାରରେ ଜନମ,

ପାପ ଥିବା ଯାଏ ଘଟ ଘେନୁଥିବୁ 

ପାଇ କୋଟିଏ କଷଣ ।

ନ ଥିବ କଷଣ ଭଜ ରାମ ନାମ

ରାମ ନାମ ଏକା ସତ୍ୟ,

ମରା ମରା ଜପି ବାଲମିକି ଋଷି

ଉଡାଇଲେ ଧର୍ମ ନେତ. ।