सैनिक- अलक कथा

आज ती सकाळपासून त्याच्या वर रुसली होती. आज तिच्या लग्नाचा ९ वा वाढदिवस होता. पण अजून त्याचा तिला शुभेच्छा देण्यासाठी फोन आला नव्हता. सकाळपासून ती फोनकडे डोळे लावून बसली होती. रात्रीचे 8 वाजले होते. सगळी कामे आवरुन ती लग्नाचा अल्बम उघडून फोटो बघत बसली होती. इतक्यात तिचा 7 वर्षाचा मुलगा तिला पेस्टरीचा तुकडा भरवत बोलला "आई तुला लग्नाच्या वाढदिवसाच्या खूप खूप शुभेच्छा"आणि ती लगेच मुलाला आणि आपल्या शहिद झालेल्या पतीच्या फोटोला छातीशी कवटाळून ढसाढसा रडू लागली.