प्रेमा तुझा रंग कसा
प्रेमा तुझा रंग कसा
प्रेमा तुझा रंग कसा
-
जरी सावळी रंगाने,
भासे मजला तु परी,
सर्व गौण प्रेमापुढे,
तुच माझ्यासाठी गोरी,
-
प्रेम आहे मनातुनी,
नाही हे वरवरचे,
तुला पाहता खुलती,
दरवाजे हृदयाचे,
-
नाही उपमा प्रेमाला,
प्रेम घ्यावे प्रेम द्यावे,
ना कुठला मोबदला,
प्रेम निर्मळ असावे,
-
तुझा पडलेला पेन,
हीच माझी साठवण,
तु फेकलेली नजर,
हीच खरी आठवण,
-
प्रेम केले तुझ्यावर,
तुझ्या रंगावर नाही,
प्रेम केले मनावर,
तुझ्या अंगावर नाही,
-
हवा तुझा सहवास,
अत्तराचा वास जसा,
प्रश्न पडतो मनाला,
प्रेमा तुझा रंग कसा...