कवि म्हणजे

कविता करणारा फक्त कवि नसतो..

नकळत का होईना..

तो नक्कीच कोणाच्या तरी प्रेमात असतो..!

°

तो सगळीकडे नीट लक्ष देत असतो..

व्यक्त ही होत असतो..

तरी सुद्धा तो काही तरी लपवत असतो.. कारण , ,

तो नक्कीच कोणाच्या तरी प्रेमात असतो..!

°

तो विचारात जगत असतो..

जगाच्या विचारात असतो..

पृथ्वीवरच असतो.. पण नभात हिंडत असतो..

कारण , ,

तो नक्कीच कोणाच्या तरी प्रेमात असतो..!

°

तो सतत् कल्पने सोबत फिरत असतो.. 

तिच्याच विश्वात हरपून ही बसतो.. मगं.. 

तो तिला शब्दपुष्पांनी श्रृंगारतो, साकारतो..

कारण , , 

तो नक्कीच कोणाच्या तरी प्रेमात असतो..!

°

तो मित्रां सोबत असतो, तरीही.. त्यांच्यात नसतो ;

पण.. तो त्यांच्या मैत्रीला गुंफत असतो..

कारण , , 

तो नक्कीच कोणाच्या तरी प्रेमात असतो..!

°

अक्षर त्याची कोशिका तर..

शब्द त्याचा ऊतक असतो..

त्याचा संपूर्ण देहच शब्दप्रेमात बुडालेला असतो..

फक्त कवितेलाच माहित असतं, कि.. 

कवि नक्की कोणाच्या प्रेमात असतो..!!