നാലാം യാമം 🌓

യാമം 🌓


നിശബ്ദത തളംകെട്ടിനിന്ന ആ രാത്രിയിൽ, ആമിയുടെ മുറിയിൽ ഒരു നേർത്ത മന്ത്രണം പോലെ ആ ശബ്ദം മുഴങ്ങി. ഒരു പത്തോ പതിനൊന്നോ വയസ്സ് മാത്രം പ്രായം തോന്നിക്കുന്ന ഒരു പെൺകുട്ടിയുടെ നേർത്ത ശബ്ദം! 
ഭയത്തിന്റെ ഒരു തണുത്ത അല കൈകാലുകളിലൂടെ അരിച്ചു കയറിയാണ് അവൾ ഞെട്ടിയുണർന്നത്. ശ്വാസമെടുക്കാൻ പോലും ഭയന്ന്, വിറയ്ക്കുന്ന കൈകളോടെ അവൾ ഫോണെടുത്തു നോക്കി; പുലർച്ചെ കൃത്യം മൂന്ന് മണി! 

നെറ്റിയിൽ പടർന്ന തണുത്ത വിയർപ്പുതുള്ളികൾ തുടച്ച്, മനസ്സിനെ ശാന്തമാക്കാൻ അവൾ മെല്ലെ എഴുന്നേറ്റു. വാഷ് ബേസിനിലെ തണുത്ത വെള്ളം മുഖത്തേക്ക് കുടയുമ്പോഴും ഉള്ളിലെ പേടി വിട്ടുമാറിയിരുന്നില്ല. ആശ്വാസത്തിനായി അവൾ സാവധാനം കണ്ണാടിയിലേക്ക് നോക്കി. പക്ഷേ... അടുത്ത നിമിഷം അവൾ ശ്വാസം എടുക്കാൻ വരെയും ഭയന്നു !അവിടെ കണ്ടത് അവളുടെ സ്വന്തം മുഖമായിരുന്നില്ല.  നിഗൂഢമായ ഒരു പുഞ്ചിരിയോടെ ആ പത്തുവയസ്സുകാരി കണ്ണാടിക്കുള്ളിൽ നിൽക്കുന്നു! അവളുടെ കണ്ണുകളിൽ കനൽപോലെ തീക്ഷ്ണത തിളങ്ങുന്നുണ്ടായിരുന്നു. അഴിഞ്ഞുലഞ്ഞ മുടിയിഴകൾക്കിടയിലൂടെ, ചുണ്ടിന്റെ കോണിൽ നിന്ന് ഇരുണ്ട ചോരത്തുള്ളികൾ താഴേക്ക് ഇറ്റിറ്റായി വീഴുന്നുണ്ടായിരുന്നു.ആ കാഴ്ച താങ്ങാനാവാതെ കണ്ണുകൾ ഇറുക്കിയടക്കാൻ ആമിയുടെ മനസ്സ് ഉച്ചത്തിൽ അലറുന്നുണ്ടായിരുന്നു. പക്ഷേ, ശരീരം തളർന്നുപോയതുപോലെ, ഒരു മന്ത്രവാദത്തിനടിപ്പെട്ടതുപോലെ അവളുടെ കണ്ണുകൾ ആ ഭീകരരൂപത്തിൽ തന്നെ തറഞ്ഞുനിന്നു!

              ________________________________________________
            
                       To be continued 🌓
ബാക്കി ഭാഗം പ്രൊഫൈലിൽ സീരീസ് ആയിട്ട് അപ്‌ലോഡ് ആക്കിട്ട് ഉണ്ടേ.. 🥰

 ആദ്യം ആയി ആണ് എഴുതുന്നത് സപ്പോർട്ട് ചെയ്യില്ലേ എന്നെ ☺️