આ દિલ

વાત મનની કશી માનતું નથી આ દિલ.

સમજાવે ઘણું સમજતું નથી આ દિલ.

તુટ્યું હશે વારંવાર છતાં પણ કયારેય,

પહેલાં એ પ્યારને ભૂલતું નથી આ દિલ.

કહ્યું, મોકો છે તો કરી લે સરભર પણ,

હિસાબ કરવામાં માનતું નથી આ દિલ.

પ્રસંગોપાત થાય જો અવગણના ઘણી

તો પણ, સબંધ કદી તોડતું નથી આ દિલ.

આમ છતાં ભાંગે જો એક વાર તો 'નીર',

પછી ફરી કયારેય સંધાતું નથી આ દિલ.

***

એક નામ કોતરાયું ભીતર ઉરે,

ને હું ભીંજાયો લાગણીના ફોરે..  એક

ક્ષિતિજે ખીલેલ સંધ્યાનાં રંગમાં,

સમંદરના મોજાની મંદ લહેરમાં,

નજર બસ આ એને જ ખોળે.. એક

વાંસળી, ઝરણાં ને પવનનાં સૂરમાં,

ભ્રમરનાં ગુંજનમાં, કોયલના સૂરમાં,

ચર્ચાઇ ગઈ વાત ચૌટે ને ચોરે.. એક

ચારે બાજુ વિખરાઇ અેની યાદ,

વિરહની રાતે સીસકતો આ ચાંદ,

વેદના લખાઇ ભીની કાગળ કોરે.. એક