भोजपुरी होली – गाये मोदी जी

गाये मोदी जी जोगीरा भारत में,

गाये मोदी जी जोगीरा|

जब से बनले परधान मंतरी मोदी जी|

चोरवा लूटेरवा बन गइले फकीरा मोदी जी|

गाये मोदी जी जोगीरा|

लूट पाट घुस घास सब बंद हो गईले|

भ्र्स्टाचार अत्याचार अब चंद हो गईले|

खींच दिहले प्रशासन लकीरा मोदी जी|

गाये मोदी जी जोगीरा|

गुंडा बदमसवन के अब पता नईखे चलत|

केतनों लगावे ज़ोर उनकर दाल नईखे गलत|

बिरोधियन बजावे झाल मंजीरा मोदी जी|

गाये मोदी जी जोगीरा|

कासी बनारस प्रयागराज चमकाई खूब दीहले|

दिल्ली देवरिया अहमदाबाद बढाई खूब दीहले|

कूँची दीहले फनवा पाकिसतनवा जस सपेरा मोदी जी|

गाये मोदी जी जोगीरा|

पहिला रंगवा सोनिया जी के लगावे|

दीदी ममता रमता योगी जी के लगावे|

बहन माया अखिलेश भिंगावे शरीरा मोदी जी|

गाये मोदी जी जोगीरा|

लेई पिचकारी इमरान पाकिसतनवा भगावे|

मारी पिचकारी रंगवा नाम हिंदुस्तनवा सुनावे|

घुसी घरवा उंकर तंबुआ उखाड़ा मोदी जी|

गाये मोदी जी जोगीरा|

देशवा के खातिर खूब योजना चलवले|

जवानन किसानन खूब भोजना करवले|

देखि लोभाए लोगवा देशवा नजारा मोदी जी|

गाये मोदी जी जोगीरा|

अमेरिका जापान रूस चीन आवे गुललवा लगावे|

अफगान ईरान नेपाल भूटान आए रसगुलवा खाये|

होलिया में खिलावे सबके पुआ पूड़ी खीरा मोदी जी|

गाये मोदी जी जोगीरा|

देशवा के नेता मिली सब फगुआ गावेले|

राहुल प्रियंका सबका रंगवा देशवा लगावेले|

नितीश रघुवर झूमे खाई भांग धतूरा मोदी जी|

गाये मोदी जी जोगीरा||