Library
भोजपुरी छठ गीत –जय हो सुरुजदेव
भोजपुरी छठ गीत –जय हो सुरुजदेव
1 min
278
उगते सुरुजदेव दुनिया भोर होई जाला|
दूर दुख अँधियार सगरो शोर होई जाला|
जय हो सुरूज़ देव तोहार हमेसा जय हो|
जगवा में केहु नईखे तोहसे साक्षात देवता|
आ गईली छठ तोहके अब देई हम नेवता|
जब आवेला सबकर मन बिभोर होई जाला|
उगते सुरुजदेव दुनिया भोर होई जाला|
जय हो सुरूज़ देव तोहार हमेसा जय हो|
जिनगी में बसल हमरो घोर अन्हीअरवा|
उगा हो सुरुजदेव तनी करा उजिअरवा|
तोहरे दया दीनानाथ दुख केवनों ओर होई जाला|
उगते सुरुजदेव दुनिया भोर होई जाला|
जय हो सुरूज़ देव तोहार हमेसा जय हो|
हम हई नादान भगवान तोहके मानिला|
देई हम अरघ गुणगान तोहरो करीला|
चरण पखारी नतमस्तक सिर मोर होई जाला|
उगते सुरुजदेव दुनिया भोर होई जाला|
जय हो सुरूज़ देव तोहार हमेसा जय हो|
