भोजपुरी पारंपरिक होली गीत
भोजपुरी पारंपरिक होली गीत
बहियाँ छोड़ाई भाग जइबे
कान्हा रंग तोहसे न लगईबे
श्याम सुंदर बड़ा छलिया है तू
ढूँढे राधा घूमे गाँव गलिया है तू
अबीर गुलाल न लगईबे
कान्हा रंग तोहसे न लगईबे
कदम की डलिया काहे चढ़ी जाला
मारी कंकरिया गगरिया फोड़ी जाला
यमुना किनारे नाही घुमरी परइबे
कान्हा रंग तोहसे न लगईबे
लुकाई काहे मारेला पिचकारी
भिंग जाला चोली लहंगा हमारी
चुपके से बंसीया चोरईबे
कान्हा रंग तोहसे न लगईबे
गोपियन के संग होली खेले ला
बांसुरी बजाई होली तू गावेला
यसोदा माई जाई सब बतइबे
कान्हा रंग तोहसे न लगईबे