भोजपुरी चइता लोक गीत ॰3 – हे र
भोजपुरी चइता लोक गीत ॰3 – हे र
कईली हम सोरहो सिंगार सइया नाही अईले
हे रामा चइत महीनवा
बहे लगल झिरी झिरी पुरवा बयार
हे रामा चइत महीनवा
लंबी कारी केसिया झरली लगाई तेल महकउआ
लाली बिंदिया सटली कजरा आँखी लहकउआ
हिया मोर डहके उठे हुकवा हजार
हे रामा चइत महीनवा
सरसो लगली झरे खेतवा गेंहू पके लागल
मोजराईल अमवा कुहु कोयल बोले लागल
महुआ कोचराइल छाईल बसंत बहार
हे रामा चइत महीनवा
गाल गुलाबी भइले ,नैन मोर शराबी भईले
झकझोरे पवनवा सताये मदनवा रतिया खराबी भईले
पोर पोर टूटे तनवा अईले चइत रसदार
हे रामा चइत महीनवा
अइता सईया चइता संगवा गेहुआ कटनी करवती
भोर भिनसरवा खरीहनवा संगवा ओसनी करवती
अमवा के चटनी सतुआ संगवा डोलवती अँचरा हमार
हे रामा चइत महीनवा