Library
Profile
भोजपुरी देवी गीत-४; कहे भारती
भोजपुरी देवी गीत-४; कहे भारती
भोजपुरी देवी गीत - ४; कहे भारती पुकार के
हाथ जोड़ी पईया पड़ी कहे भारती पुकार के|
आतंकियन मिटावा माई त्रिशूलवा के मार के|
देशवा दुशमनवा भारत अँखिया देखावेले|
जब देखा पीछे पिठवा बन्दुकिया चलावेले|
मरलु माई जईसे दइतवन मारा इनके संहार के|
हाथ जोड़ी पईया पड़ी कहे भारती पुकार के|
देशवा खुशहाली हरियाली अँखिया न सुहाला|
हंसत खेलत लोगवा देखी छतिया फटी जाला|
मारा माई मरलु जइसे दुरगवा गरदनिया उतार के|
हाथ जोड़ी पईया पड़ी कहे भारती पुकार के|
ऊंचा बा लीलार तोहरों अँखिया बा विशाल हो|
चंदरमा बा रूपवा माई काली केसिया कमाल हो|
दसभूजा शेरावाली चले तोहार शेरवा चिंघाड़ के|
हाथ जोड़ी पईया पड़ी कहे भारती पुकार के|
तोहरी किरीपा जगवा तिरंगा झंडवा लहराला|
सबके पछाड़ भारत तीसरी शक्ति आज कहाला|
करे लोगवा पूजनवा माई तोर रूपवा निहार के|
हाथ जोड़ी पईया पड़ी कहे भारती पुकार के|
छोडब न चरनिया माई भजनीया हम गाइब|
फेरा तू नजरिया माई हम नचनिया बन जाइब|
भगावा देशद्रोहियन चलावा देशवा ललकार के|
हाथ जोड़ी पईया पड़ी कहे भारती पुकार के|
