भोजपुरी देवी गीत – आजा मइया
भोजपुरी देवी गीत – आजा मइया
आई गईले चइत नवरातन के महीनवा
घरवा हमरे आजा मोरी मईया
रहिया जोहिला तोहरो गिनी गिनी दिनवा
घरवा हमरे आजा मोरी मईया
बालक हम हई अबोध अनाड़ी माई
गाईला गीतिया माई सिर चरण नवाई
गोहराइला तोहके हम सागरो जमनवा
घरवा हमरे आजा मोरी मईया
तोहरो कृपा से माई होला उजियार हो
कब करबू किरीपा भारती करे पुकार हो
तोहरे दरश के माई बरसे मोर नयनवा
घरवा हमरे आजा मोरी मईया
दिन दुखीयन के माई तुही बाडु सहारा
डोलत नईया हमरो लगा दा तनी किनारा
होला जय जयकार जगमग तोहरो भवनवा
घरवा हमरे आजा मोरी मईया