Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Sai Prashanthi

Abstract

4.5  

Sai Prashanthi

Abstract

சீறிய சிங்காரநகரம்

சீறிய சிங்காரநகரம்

1 min
1.0K


தலைநிமிர்ந்து நின்ற தலைநகரம்

நிலை குலைந்து போனதேனோ ?

அந்நியன் தன் வளம்தனை சுரண்டிடினும்,

ஆங்கிலேயன் தன் மக்கள்தனை அடிமைபடுத்திடினும்

சற்றும் துவண்டுபோகாது விடுதலை நோக்கி

முன்னேறிய எங்கள் மதராசப்பட்டிணமே !

சிங்காரமாக ஒய்யாரமாக நீயே உன்னை

அழகு படுத்திக்கொண்டாய் !


எல்லோரும் முன்னேற்ற பாதையிலே,

பொற்காலத்திலே, பரபரப்பாக சுற்றிகொண்டிருந்த தருணத்திலே,

கடலின் சீற்றத்திலே சிக்கிக்கொண்டாய் !

தளராது மீண்டாய், மாண்ட அனைவரும்

ஏக்கம் கொள்ளும் நிலைக்கு உயர்ந்தாய் !

வெற்றிடம் கூட வெளிநாட்டுச் சந்தைக்கு போட்டி போடும் நிலை !


ஏரி எல்லாம் மலையேறி போச்சு !

குளம் எல்லாம் குடியேற ஆகிடிச்சு !

மனிதன் மனிதனை பார்க்காமலே,

பேசிக்கொண்டும் உறவாடிக்கொள்ளும்

தருணமும் வந்தாச்சு !

அறிவியல் விந்தையில் மனிதனின்

சிந்தையும் செம்மையுற்று, பொறாமையும் பேராசையும்

கூட பெருகிற்று !


சிலமுறை மழையின் பிடியிலே

சிறை அடைக்கப்பட்டாய் !

இரவு பகல் பாராது துன்புற்று, அல்லலுற்று

விடியும் இரவிற்காக விடியாது இருந்தாய் !


ஒரே தாயின் பிள்ளைகளே, சகோதரனிடம்

கை ஏந்தும் நிலையிலே செய்வதறியாது

இருந்ததைக் கண்டு நீ திகைத்துப்போனாய் !


தாயுணர்வோடு, எழுச்சி மிக்க இளைஞர்கள்

தாமாகவே முன் வந்தனர் !

ஓரிடம் அல்லாது எல்லா இடங்களிலும்

சுற்றி திரிந்தனர் !

சிதைந்துக் கிடந்திருந்த அன்னையை

மீட்டெடுக்க எட்திசையும் சென்றனர் !


மின்னல் வேகச் சாதனங்கள் தம்

கழுகு பார்வைக் கொண்டு

அசுர பசியை சமாளித்தது !

அத்தியாவசியமே ஆடம்பரமோ என்று

நிலை கவிழ்ந்திருந்த தருணத்திலே,

தோள் கொடுத்து, தட்டிக் கொடுத்து

உன்னால் முடியும் என்று புதிய தோர்

விடியலை உருவாக்கினர் ! நிலை மாறியது ...

இனி பயமில்லை !!


இயல்பாக இயல்பினை நோக்கி

நகரத்தொடங்கிய இந்நகருக்குள் படை எடுப்பு நடந்தது,

நுண்ணுயிற் தொற்றுயிரி புகுந்தது !

வீட்டிற்குள்ளே அகப்பட்டு

சுற்றத்தின் நன்மை பாராட்டி

ஒடுங்கிக் கொண்டிருக்கும் காலக்கட்டத்திற்கு

தள்ளப்பட்டது !


எழில் வளம் ஒங்கி செல்வ வளம் குன்றியது

எம பலம் குன்றி அரசு மற்றும் பொதுத் துறை பலம் ஒங்கிற்று !


மீண்டும் மானுடம் வெற்றி கொடி பற்றி

தெருவெங்கும் மகிழ்ச்சி வெள்ளத்தில்

தன்னலமற்று திரியலாகாதா என்ற அவா, ஏக்கம் ...

வீழ்வது போல் தோன்றினாலும்

வீழ்த்துவோம் ! வாழ்வோம் !


Rate this content
Log in