ଅଙ୍ଗଦାନ
ଅଙ୍ଗଦାନ
ନିୟତିର କାରାଗାରେ ବନ୍ଦୀ
ଏ ବୟସର ସ୍ରୋତ,
ଅନ୍ତ କରି ଏକ ଅଧ୍ୟାୟର
ମାଡି ଚାଲେ ସାଗର ଗର୍ଭକୁ,
ଲୀନ ହେବା ପାଇଁ ଚିରଦିନ।
ଅସ୍ପଷ୍ଟ ହୃଦ୍ ସ୍ପନ୍ଦନ
ଦୁଃସାହସ କରେ ବୁଝିବାକୁ ,
ପରିବର୍ତ୍ତନଶୀଳ ଦୁନିଆରେ
ମୂଲ୍ୟବୋଧ ଏ ଜୀବନ ର,
ମୁକ୍ତ କରି ସବୁ ବନ୍ଧନ।.
ହଜାଇ ନିଜର ସମଗ୍ର ସତ୍ତା,
ସୂର୍ଯ୍ୟାସ୍ତ ପରେ,ସେ ପାରିରେ
ରହିଯିବ କେବଳ ବିଦଗ୍ଧ କାହାଣୀ
ଆଶା,ଆକାଂକ୍ଷା ଓ ପ୍ରୟାସ ,
ହେବାକୁ ସଦା ମୋହଶୂନ୍ୟ।
ପ୍ରବେଶି ଶରୀରେ ଅନ୍ୟ
ଜୀବନ ସୁରଭି କରି ବିତରଣ,
କେତେ ଶରୀରରେ ସ୍ନିଗ୍ଧ ଶିହରଣ,
ନିରାଶାର ଆନିକଟରେ ହେଵ
ତରଙ୍ଗାୟିତ, ନବଜୀବନ।