ଶ୍ରେଷ୍ଠ କୃତୀ
ଶ୍ରେଷ୍ଠ କୃତୀ
ମଣିଷ ଜୀବନ ଅଟଇ ଦୁର୍ଲଭ
ପ୍ରାଣୀ ଜଗତରେ ଶ୍ରେଷ୍ଠ
ସୃଷ୍ଟିକର୍ତ୍ତାଙ୍କର ସୃଷ୍ଟିର ମଧ୍ୟରୁ
ଅଟଇ ସେ ସର୍ବଶ୍ରେଷ୍ଠ ।
ପଶୁ ପରି ଥାଏ ଜୀବନ ତା ମଧ୍ୟେ
ଶକ୍ତି ଚାଲି ବୁଲିବାର
ପଶୁପରି ସିଏ ଖାଇ ପିଇ କରି
ଜୀବନ ବିତାଏ ତାର ।
ଫରକ ଏତିକି ସର୍ବଜ୍ଞାତ ଯାହା
ମନୁଷ୍ୟ ଯେ ବସ୍ତ୍ରଧାରୀ
ଲଜ୍ଜା ସମ୍ବରଣ କରିବାର ଅର୍ଥେ
ବସ୍ତ୍ର ପରିଧାନ କରି ।
ମନୁଷ୍ୟ ଶ୍ରେଷ୍ଠତା ପ୍ରମାଣିତ ହୁଏ
ଚିନ୍ତନର ଶକ୍ତି ପାଇଁ
ସଠିକ ଚିନ୍ତନ ସାହାଯ୍ୟ କରଇ
ନିଷ୍ପତ୍ତି ନେବାର ପାଇଁ ।
ହେ ମାନବଗଣ,ଶ୍ରେଷ୍ଠତ୍ତ୍ବ ନିଜର
ପ୍ରଦର୍ଶନ କର ତୁମେ
ସୃଷ୍ଟିମଧ୍ୟେ ସାର ତୁମର ଅସ୍ତିତ୍ୱ
ଦେଖାଅ ନିଜର କର୍ମେ ।