ଅସ୍ତିତ୍ୱ (ସୋନେଟ)
ଅସ୍ତିତ୍ୱ (ସୋନେଟ)
ବସ୍ତୁଗତ ବାସନାର ସବୁ ସୀମା ଡେଇଁ
ଇଚ୍ଛା ହୁଏ କାହୁଁ କେବେ ପହଁଚିବା ପାଇଁ
ଦିବସର ପରେପରେ ନିଶି ବିଜନରେ
ଘୁରି ବୁଲିବାକୁ କେଉଁ ନିର୍ଜନ ଟାପୁରେ ।।
ଫି ଦିନର କାର୍ଯ୍ୟସୂଚୀ କରି ପ୍ରତିହତ
ଜୀବନଟେ ବଞ୍ଚିବାକୁ କାମନା ରହିତ ।।
ପାରି ହୋଇ ସମୟର ଦିଗବଳୟକୁ
ଅନୁସନ୍ଧାନରେ ସତ୍ୟ ଆଉ ଆଲୋକକୁ ।।
ଅମାନିଆ ମନ କେବେ ଲଗାମବିହୀନ
କାହିଁ କେତେ ବୁଣେ ପୁଣି ଦିବାକାଳେ ସ୍ୱପ୍ନ
ଅବୋଲକରା ସାଜିଣ ଧାଏଁ ନଦୀ ତୀରେ
ଅବା ବାସହୀନ-ଦୀପପୁଞ୍ଜ ବାଲୁକାରେ ।।
ସମୟର ନାଗଫାଶେ ବନ୍ଧା ଏ ଜଗତ
ଆଶାର ଦୀପାଳି ଜାଳି ଖୋଜେ ତା' ଅସ୍ତିତ୍ୱ ।।
ଦେବବ୍ରତ ଜେନା
ଭୋଗରାଇ, ବାଲେଶ୍ବର