ଆଗକୁ ବି ରଖିଥିବି
ଆଗକୁ ବି ରଖିଥିବି
କରୁଣାମୟଙ୍କ କରୁଣାରୁ ଆଜି ଲେଖନୀ ମୋ ରୁଦ୍ଧିମନ୍ତ ,
ଅଳପେ ବହୁତେ ରାଇଜ ଚିହ୍ନୁଛି
ସୁରୁଜୁଛି ସୁ-ସାହିତ୍ୟ ।
ମୁଁ ନିମିତ୍ତ ମାତ୍ର; ମୋହରି ଭିତରେ
ଲୁଚିରହି ସେଇ ସାଇଁ ,
କରୁଛନ୍ତି ଯେତେ ମଙ୍ଗଳ କରମ
ମୋ ଆତ୍ମ କଲ୍ୟାଣ ପାଇଁ ।
ଅନ୍ତରରୁ ମୋର ଦୂର କରିଦେଇ
ମିଥ୍ୟା, ଅଭିମାନ-ଛନ୍ଦ ,
ଶୁଭ ବିଦ୍ୟା,ବୁଦ୍ଧି ଦେଇଛନ୍ତି ଭରି
ଚିହ୍ନିବାକୁ ଭଲ ମନ୍ଦ ।
ମୋହ ପ୍ରତି ଢାଳି ଅଶେଷ କରୁଣା
ବିବେକି ଯେ କରିଛନ୍ତି ,
ସେଇ ଶକ୍ତି ବଳେ ଉଚିତ କି ନୁହେଁ
ପାରୁଛି ମୁଁ ଭାବି ଚିନ୍ତି ।
ଆନ ହିତ କିଛି କରିବା ସକାଶେ
ବଳୁଅଛି ତେଣୁ ମନ ,
ସିଏ ମୋର ବନ୍ଧୁ,ପରମ ହିତୈଷୀ
ଅଟନ୍ତି ଅମୂଲ୍ୟ ଧନ ।
ଏ କଥାକୁ ସଦା ହେଜ ରଖିଅଛି
ଆଗକୁ ବି ରଖିଥିବି ,
ତାଙ୍କ ରୂପ ଧ୍ୟାୟୀ,ଗୁଣ ଯେତେ ଗାଇ
ବାକି ଦିନ ବିତାଇବି।।
ମାମୁରିଆ, ଛେଣ୍ଡିପଦା,ଅନୁଗୋଳ।