ମୋ ଆଖିର ଲୁହ
ମୋ ଆଖିର ଲୁହ
(0)
ମୋ ଆଖିରେ ଲୁହ , ମୋ ମନର କୋହ
ଦେଖି ଯଦି ଭଲ ପାଉ
ବାକି ଏ ଜୀବନ କାନ୍ଦିବାରେ ଦୁଃଖ
ନାହିଁ ଆହେ ମହାବାହୁ |
(1)
କୁବୁଜାକୁ ରୂପ ଲାବଣ୍ୟ ଦେଇଛୁ
ସୁଦାମାକୁ କୋଟୀନିଧି
ମୋ ପାଇଁ କରୁଣା ହୋଇଲା କି ଊଣା
କହ ହେ କୃପା ବାରିଧି
ଧନ ଜନ ଲୋଡା ନାହିଁ ମୋର ପ୍ରଭୁ
କରୁଣା ମାତର ଥାଉ |
ମୋ ଆଖିର ଲୁହ ମୋ ମନର .....
(2)
କାହାକୁ ମାରିଛୁ କାହାକୁ ତାରିଛୁ
ଲଗାଇଛୁ କେତେ ଲୀଳା
କାହାକୁ ହସାଇ କାହାକୁ ଭସାଇ
କି ସୁଖ ପାଉଛୁ ଭଲା
କାନ୍ଦିବାରେ ଦୁଃଖ ନାହିଁରେ କାଳିଆ
ତୋ ସହିତ ଭାବ ଥାଉ |
ମୋ ଆଖିର ଲୁହ ମୋ ମନର.....
*******