ପାରାଟିଏ ସାଜି ବସିଛୁ
ପାରାଟିଏ ସାଜି ବସିଛୁ
ଯୁଆଡେ ମୁଁ ଚାହେଁ
ଦିଶିଉଠେ ତୋ ମୁହଁ ...
ଛାତକୁ ଗଲେ ଦେଖାହେଉ ତୁ,
ଆକାଶକୁ ଚାହିଁଲେ ତୁ,
ପ୍ରାର୍ଥନା ବେଳେ ଥାଉ ତୁ
ଆଖିର ଲୁହରେ ବି ତୁ ,
ଖାଇ ବସିଲେ ମନେପଡୁ ତୁ,
କେଉଁଠି,
ଟିକିଏ ଠିଆ ହୋଇଗଲେ
ଝରକା ବାଟେ ଦେଖାଦେଉ ତୁ।
ତୋର ତ୍ୟାଗ ଓ ଆନ୍ତରିକତାରେ ବନ୍ଧା ମୁଁ ,
ସେଥିପାଇଁ ତ ତୋ ପାଖରେ
ହାରିଯାଏ ମୁଁ ...
ତୁ ଏମିତି ପ୍ରେମିକଟିଏ,
ତୁ ଗଲାପରେ,
କାଟୁଛି ଦିନ ଓ ରାତି
ତୋ ବିରହରେ,
ମୋ ପାଇଁ ସବୁ ଦୁଃଖ ସହିଲୁ.
ନୀରବରେ ରହିଲୁ,
ସେଥିପାଇଁ ତ
ତୁ ମୋ ଜୀବନ ଧନ
ମୋ ମନପାରା !
ପାରାଟିଏ ସାଜି ବସିଛୁ ମୌନ ହୋଇ,
କେତେ କ'ଣ ଭାବୁଛୁ
କେତେବେଳେ ସହିପାରୁ ନାହିଁ
ଖରାର ଦାଉ,
ସେତେବେଳେ ମୋ ଛାଇରେ ବସିପଡୁ
ଭାବୁଥାଉ ମୋ କଥା ।
ଛୁଇଁବାକୁ ଗଲେ ଉଡିଯାଉ
ମତେ ଚିଡ଼େଇ ଯେମିତି କହୁ,
ଛୁଇଁପାରିବୁ ମତେ
ସେତେବେଳେ ମତେ ମନେପଡ଼ିଯାଏ
ଆମେ ଦୁହେଁ ଖେଳୁଥିବା
ଲୁଚକାଳି କଥା !
★★★★★★★★