ନୂଆଖାଇ ଭେଟଘାଟ
ନୂଆଖାଇ ଭେଟଘାଟ
କୃଷିଟି ଆମର ପ୍ରଧାନ ଜୀବିକା ଉଡ୍ର ଉତ୍କଳ ଓଡିଶା
ମା'ର ଦୟାରୁ ଫସଲ ଫଳଇ ଚାଷୀର ଏହି ଭରଷା ।
ପଶ୍ଚିମ ଓଡିଶା ଶାନ୍ତ ସରଳ ଓଡିଶାର ଭାତ ହାଣ୍ଡି
ସମଲେଇ ମା’ ସମଲପୁରେ ମା’ ମାଣିକେଶ୍ୱରୀ କଳାହାଣ୍ଡି ।
ପାଟଣେଶ୍ୱରୀ ମା’ ବଲାଂଗୀର ଠାରେ ଆଶିଷ ଦିଅନ୍ତି ମିଶି
ଫସଲ ଫଳଇ କେରିକିରି ଧାନ ସୁନାର ଫସଲ ଦିଶି ।
ନୂତନ ହାଣ୍ଡିରେ ନୂଆ ଅନ୍ନ ରାନ୍ଧି ଲାଗି କରିବ ପସରା
ପ୍ରଥମ ଫସଲ ମାଙ୍କୁ ଅର୍ପଣ କରିବ ଭକତି ଭରା ।
ନୂଆଖାଇ ଭେଟଘାଟ ପାଇଁ ସର୍ବେ ବିଦେଶରୁ ବାହୁଡିବେ
ଜୁହାର କରିବେ ଗୁରୁଜନଙ୍କୁ ସେ ତାଙ୍କଠୁ ଆଶିଷ ନେବେ ।
ମାଦଲ ବାଜିବ ଗାଁରେ ହୋଇବ ସମଲପୁରିଆ ନାଚ
କୋଳାକୋଳି ହୋଇ ଏକାକାର ହେବେ ଭୁଲି ଜୀବନ ପ୍ରପଂଚ ।
ଜୁହାର ସଭ୍ୟତା ଲୋପ ପାଉଅଛି ଆଧୁନିକତାର ଧାପେ
ଦେଖାଶିଖା ଛାଡି ସଜାଡିବା ଆମେ ଆପଣା ସଂସ୍କୃତି ଆପେ ।
ଆମ ଓଡିଶାର ମହାନ ସଂସ୍କୃତି ନୂଆଖାଇ ଗଣ ପର୍ବ
ଆପଣା ସଂସ୍କାର ଆପଣା ସଂସ୍କୃତି ହେଉ ଆମ ପାଇଁ ଗର୍ବ ।