ସସ୍ମିତା ଦେବୀ (ଭାଗ -୧)

(କୁହାଯାଏ ଯେ ନାରୀ ପୁରୁଷର ଜୀବନକୁ ପରିବର୍ତ୍ତନ କରିଦିଏ , ଅନ୍ଧକାର ରୁ ଆଲୋକ କୁ ନିଏ । ଦୁଃଖ ଜୀବନ କୁ ସୁଖ କରିଦିଏ , କଣ୍ଟା ପଥରୁ ଫୁଲ ପଥକୁ ନିଏ ।ମୋ ଜୀବନରେ ହୋଇଥିବା ସତ୍ୟ ଘଟଣା । ଏହି ଘଟଣା ଅତୀତ ନୁହଁ ବର୍ତ୍ତମାନ ମଧ୍ୟ ଜାରି ରହିଛି ଆଗକୁ କଣ କଣ ହେବ ସବୁ ଏଠି ଲେଖିବି ) ସେହି ଘଟଣାକୁ ବର୍ଣ୍ଣନା କଲି -  ସେମିତି ଘରେ ଥିଲି । ବାପା କହିଲେ ଚାଳ ତତେ କମ୍ପୁଟର ସେଣ୍ଟର ରେ ନାମ ଲେଖାଇ ଦେବି ବେକାର ଅଛୁ କିଛି ଶିଖିବୁ ! ବାପା ସାଙ୍ଗେ କେସିଙ୍ଗା ଗଲି । କମ୍ପୁଟର ସେଣ୍ଟରରେ ନାମ ଲେଖାଇଦେଲେ ବାପା । ମୁଁ କେସିଙ୍ଗାକୁ ଗଲି କମ୍ପୁଟର କ୍ଲାସ ପାଇଁ । ସବୁଦିନ ଏମିତି ଯାଏ । ଦିନକର କଥା ଯେତେବେଳେ ମୁଁ କମ୍ପୁଟର କ୍ଳାସ କରୁଥିଲି ସେହି ସମୟରେ ଜଣେ ଲାଲ ରଙ୍ଗ ବସ୍ତ୍ର ପିନ୍ଧିଥିବା ଏକ ସୁନ୍ଦରୀ କନ୍ୟା ପ୍ରବେଶ କଲା ଏବଂ ମୋ ପାଖେ ଆସି ବସିଲା ଏବଂ ତା କମ୍ପୁଟର ଚଳାଇଲା । ଯେତେତୁ ମୋ କମ୍ପୁଟର ଓ ତା କମ୍ପୁଟର ପାଖେ ଥିଲା । ମୁଁ ସେମିତି ରେ ବୋରିଙ୍ଗ ହେଉଥିଲି କିନ୍ତୁ ଯେତେବେଳେ ସେହି ସୁନ୍ଦରୀ କନ୍ୟା କୁ ଦେଖିଲି ମନ ମୋର ଆନନ୍ଦ ହୋଇ ଉଠିଲା । ସୁନ୍ଦରୀ ସହ କଥା ହେବା ପାଇଁ ମନ ଇଚ୍ଛା କଲା କିନ୍ତୁ ଟିକିଏ ଡର ଲାଗିଲା କାରଣ ଅଚିହ୍ନା କନ୍ୟାଟି ବୋଲି । କିନ୍ତୁ ତା ଆଡୁ ଯେତେବେଳେ ଭାବ ଆସିଲା ତେଣୁ କଥା ହେବା ପାଇଁ ମନରେ ସାହସ ଆସିଗଲା । ଦୁଇ ମନ ପରସ୍ପର କୁ ବାନ୍ଧି ହେବାର ପ୍ରକ୍ରିୟା ଆରମ୍ଭ ହୋଇଗଲା । 

 ମନ ମୋ ବଦଳି ଗଲା 

          ସୁନ୍ଦରୀ କୁ ଦେଖି ।

ପବିତ୍ର ହୋଇଲା ଏହି 

            ଦୁଇ ମୋର ଆଖି ।।

ହୃଦୟରେ କନ୍ୟା ଦେଖି 

           ମୋର ହେଲା କଣ ।

ଜାଣି ପାରୁ ନାହିଁ 

        କନ୍ୟା ଟାଣୁଛି ମୋ ମନ ।।

ଇଚ୍ଛା ହେଉଛି ତା ସହ

            କଥା ହେବା ପାଇଁ ।

ହେଲେ ମୋ ଛାତିରେ

           ସାହସ ଟିକିଏ ନାହିଁ  ।।

ହେଲେ ସେହି କନ୍ୟାଟି 

          ପ୍ରଥମେ କଥା ହେଲା ।

ମୋ ଇଚ୍ଛାକୁ ସେହି ସୁନ୍ଦରୀ

           ପୂରଣ କଲା ।।