କୋଭିଡ୍ ଟିକା ଓ ଆମେ

ସୁନ୍ଦରୀ ନର୍ସଙ୍କ ପାଖରେ ବେଶ୍ ଭିଡ କୋଭିଡ୍ ଟିକା ସମୟରେ। 

ଲୋକ ଶହେ କୁ ପ୍ରଶ୍ନ ହଜାରେ,"ଦିଦି!କିଛି ହେବନି ତ?

_ଦିଦି!କେତେ ସମୟ ?

_ଦିଦି!କାଟିବ କି ?

_ଦିଦି!ସାଇଡ୍ଏଫେକ୍ଟ କିଛି ହବ କି?

_ଦିଦି! ପାନ ବିଡ଼ି ଖାଇପାରିବୁ ତାପରେ?

_ଦିଦି

_ଦିଦି !( ଦିଦିଙ୍କ ମୁଣ୍ଡ ଘୁରାଇବା ଭଳି ଲାଗିଲା)

_ସହଜେ ସୁନ୍ଦରୀ ନର୍ସଙ୍କ ହାତରୁ ଇଞ୍ଜେକ୍ସନ ଭାଗ୍ୟରେ ଥିଲେ ମିଳେ।

_ନର୍ସ ଟି ପ୍ରଥମ ଦିନ ବ୍ୟତିବ୍ୟସ୍ତ ହେଲେ ବି ଚଳେଇନେଲେ।

_ପରଦିନ ସକାଳୁ ହସ୍ପିଟାଲ ବାହାରେ ସାଇନ୍ ବୋର୍ଡ ଟିଏ ଦେଖିବାକୁ ମିଳିଲା  

_ଲେଖାଥିଲା"" ଦୟାକରି ଧ୍ୟାନ ଦିଅନ୍ତୁ! କୋଭିଡ୍ ଟିକା ନେବାର ଘଣ୍ଟାଏ ପୂର୍ବରୁ ଓ ଘଣ୍ଟାଏ ପରେ ଯାଏ ପାଟି ବନ୍ଦ ରଖିବାକୁ ଅନୁରୋଧ,, ନହେଲେ

ସିରିୟସ୍ ସାଇଡ୍ ଏଫେକ୍ଟ୍ ହେଇପାରେ

ଓ ଏଥିପାଇଁ ଆମେ ଦାୟୀ ରହିବୁ ନାହିଁ"

_ସେଦିନ ସବୁ ଷାଠିଏ ବର୍ଷ ବୟସ୍କଙ୍କ ପାଇଁ ମୁହଁ 

କଳାପଟି ବାନ୍ଧିବା ଭଳି ଅବସ୍ଥା ଥିଲା ଟିକା କେନ୍ଦ୍ର ରେ ।

_ ଡରରେ ଚବିଶ ଘଣ୍ଟା ଧରି କେହି କଥା ହେଉନଥିଲେ କାହା ସହ।

ସୁନ୍ଦରୀ ନର୍ସ ଟି ହସୁଥିଲା ନିଜ ପ୍ଲାନ୍ ବିଷୟରେ ଭାବି ।

ଶୁଣୁଚ!

ହୁଁ

"ଟିକା ଟା ନେବି ନା ନେବି ଭାବୁଛି", କହି ମହାନ୍ତିଏ ଚାହିଁ ଲେ ଶ୍ରୀମତୀ ଙ୍କ ଆଡ଼କୁ ।

ରୁଟିବେଲୁବେଲୁ ବେଲଣାକାଠି ହାତରେ ମାଡିଆସିଲେ ଶ୍ରୀମତୀ..

" ହଇହୋ! ପାନ ରୁ ଚୁନ ଖସିଲେ ତ ମହାଭାରତ ଯୁଦ୍ଧ କରୁଛ ଘରେ,, ଆଉ ଏ ଇଞ୍ଜେକ୍ସନ ଟାକୁ ଡରୁଛ ବିଲେଇ ଭଳି"??

ଦିପାହୁଣ୍ଡ ପଛ କୁ ଘୁଞ୍ଚି,, ମହାନ୍ତିଏ ସ୍କୁଟି ଚାବି ଧରି କ୍ଷିପ୍ର ଗତିରେ ବାହାରକୁ ଧାଉଁ ଧାଉଁ ନିଜକୁ ନିଜେ ଗୁଣୁଗୁଣୁ ହେଇ କହିଲେ,,

_ ଯାଆ ମ! ମଲେ ସେ ସୁନ୍ଦରୀ ନର୍ସ ଟା ହାତରେ ଫୋଡାଖାଇ ମରିବି ପଛେ, ବେଲଣାକାଠି ମାଡ଼ କିଏ ଖାଇବ ଏ ବୟସରେ ।