ପ୍ରୀତି ନିବେଦନ

ଝୁଲଣା ପ୍ରେମର ଝୁଲାଇ ଦେଇଛି

     ଝୁଲିବାକୁ ଆସ ଥରେ

ଖାଲି କରିଦେଲି ଘର ର କୋଠରୀ

     ରଖିବାକୁ ଆମ ଘରେ ।

ସଂକଳ୍ପ କରିଛି ସୂର୍ଯ୍ୟ ଅର୍ଘ୍ଯ ଦେଇ

    ଉଇଁଥିବ ପ୍ରେମ ସଦା

ପୂର୍ଣ୍ଣାଙ୍ଗ ହେବାକୁ ସମୟ ଆସିଛି

    ସମାପିତ ହେଲା ବାଧା ।

ସମ୍ବାଦ ଖଦ୍ଯୋତ କରିଛି ବାହକ

    ତିମିରକୁ ଭୟ ନାହିଁ

ଅମାବାସ୍ୟା ମଧ୍ୟ ପୂର୍ଣ୍ଣିମା ଲାଗିବ

    ହୃଦୟେ ଅନ୍ଧାର କାହିଁ  ।

ଦର୍ଶନ ଦେଇକି ଦର୍ପଣ ଦେଖାଇ

   ଦେଇଦେଲ ପ୍ରେମ ଫଳ

ଜୁଆର ହୟରେ ସମ୍ଭାଳି ରହିଛି

    କରିବନି କେବେ ଛଳ ।