श्रावण

हिरव्या पाचूच्या रानात

हिरवं सपान पडलं

धुंद श्रावणसरींनी

अंग अंग मोहरलं!

गर्द वेळूच्या बनात

सोनसळीचा प्रकाश

मैना राघूला शोधते

तिचा जीव कासावीस!

शुभ्र बगळ्यांचे थवे

झेपावता खगाकडे

चिंब झिम्माड पाऊस

स्मृती लुब्ध आठवण!

असा श्रावणसरींचा

हिरवाकंच दृगोचर

मुग्ध विलासिनी सवे

आभा होय अलवार!

वाग्वसंताची गंधवेणी

मन सानंद साधन

लेकी माहेराची ओढ

लतापल्लवांची विण!