ओढ पावसाची
ओढ पावसाची
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
43
मज वाटते ओढ पावसाची
सुंदर या नील नभमंडपी
घननीळ मेघ हे गर्जत येती
अमृतधरा या अवनीवर
बरसण्या किती मग आतुर असती
जसे दोन प्रेमिंचे मिलन
होण्यास आतुर असते ते मन
पावसाचा प्रत्येक थेंब
करतो धरतीचे शांत तनमन!!
जसे वाटते क्षितिजावरती
सुंदर रम्य उभा सुदर्शन
घेऊन इंद्रधनूचे ते रंग
आशीर्वादास उभा मधुसूदन!!
का नसावी मग ओढ पावसाची
बेधुंद होऊन भिजण्याची
देण्यास आनंद सर्वतोपरी
तत्पर आहे धरतीवर मधुबन!!
मनात येते तीच आठवण
याच मधुबनी आपुले मिलन
शाश्वत सुखाची ती उधळण
त्याच पावसात पुन्हा एकदा
पुन्हा एकदा...
यावा तो क्षण
वाटे म्हणूनच मज
ओढ त्या पावसाची.....!!