Audio

Forum

Read

Contests

Language


Write

Sign in
Wohoo!,
Dear user,
ରଜ ଗୀତ
ରଜ ଗୀତ
★★★★★

© Prasant Kumar Senapati

Classics

3 Minutes   6.6K    8


Content Ranking

ବନସ୍ତେ ଡାକିଲା ଗଜ,

ବରଷକେ ଥରେ ଆସିଛି ରଜ ଲୋ,

ଘେନି ନୂଆ ସଜବାଜ ।

* * *

ରାଶିରୁ ଛାଡ଼ିଲା ଚୋପା,

ଗୋଡ଼ରେ ନାଇଛୁ ସରୁ ଅଳତା ଲୋ,

ମଥାରେ ସିନ୍ଦୂର ଟୋପା ।

* * *

ଉଡ଼ିଲା ଶୁଆ ନାହାକା,

ଦୋଳିଟା କାହିଁକି ଲାଗୁଛି ଏକା ଲୋ,

କାହା ବିନା ଏକା ଏକା ।

* * *

ପାଚିଲା ଭଇଁଚ କୋଳି,

ବେକରେ ନାଇଚି ଗଜରା ମାଳି ଲୋ,

ଝୁଲାଅ ରଜର ଦୋଳି ।

* * *

ପଣସ ପାଚିଲା ବନେ,

ବନ ପୋଡ଼ିଗଲେ ଦୁନିଆ ଜାଣେ ଲୋ,

ମନକଥା କିଏ ଜାଣେ ।

* * *

ଶଙ୍ଖ ମଲମଲ ଗିନା,

ଦରଦ ଜାଣେଲୋ ଦରଦୀ ସିନା ଲୋ,

ବଣିଆ ଚିହ୍ନେଟି ସୁନା ।

* * *

ନିମ୍ବର ବୁକେ ଚନ୍ଦନ,

ଦେବତା ଗଢ୍.ଇଲା ନାରୀ ଜୀବନ ଲୋ,

ଦେଲା ତହିଁ ଯଉବନ ।

* * *

ଢମଣା ଛାଡ଼ିଲା କାତି,

ପୁରୁଷ ସିନାଲୋ ଭ୍ରମର ଜାତି ଲୋ,

ନୂଆ ଖୋଜୁଥାନ୍ତି ନିତି ।

* * *

ଚାନ୍ଦରେ କଳଙ୍କ ଚିହ୍ନ,

ନବ ଯଉବନି କିଆଁ ଗୁମାନ ଲୋ,

ଆସିଲେଣି ଜୀବ ଧନ ।

* * *

ପୋଖରୀ ତୁଠ ପଥର,

ତତେ ଦେଖିଥିଲି ବାଲି ବନ୍ଧରେ ଲୋ,

ଆଖି ଥିଲା ଏଣେ ତୋର ।

* * *

ସାହାଡ଼ା ଗଛର ଛାଇ,

ସେଦିନ କଥାକି ତୋ ମନେ ନାଇଁ ଲୋ,

ଏତେ ଆନମନା କାହିଁପାଇଁ ।

* * *

ଖୋସାରେ ଖୋସିଲି ଫୁଲ,

କେତେ ଦେଖାଉଛୁ ନୁଖୁରା ଗେଲରେ,

ଭାଙ୍ଗି ଦେବି ତୋର ଗାଲ ।

* * *

ନଈର ଶୁଖିଲା ବାଲି,

କେତେ ଫୁଲି ହେଉ ପୁଚୁକିଗାଲି ଲୋ,

ଦେଖାଉଛୁ କେତେ ବେଲି ।

* * *

ବାଜିଲା ତେଲିଙ୍ଗି ବାଜା,

ରସିକ ଯେ ଜାଣେ ସ୍ନେହର ମଜା ରେ,

ସେ ସିନା ମୋ ମନ ରଜା ।

* * *

ଲୁଚିଗଲା ମେଘେ ଚାନ୍ଦ,

ଦୋଳି କଟକଟ କରେ ଶବଦ ଲୋ,

ବହନ୍ତେ ପବନ ମନ୍ଦ ।

* * *

ଦୋଳି ହୁଏ ରଟରଟ,

ମୋ ଭାଇ ମୁଣ୍ଡରେ ସୁନା ମୁକୁଟ ଲୋ,

ଦିଶୁଥାଏ ଝଟଝଟ ।

* * *

ପରବତେ ଜଳେ ନିଆଁ,

ପହଞ୍ଚାଇ ଦୋଳି ତେଣେ ନ ଚାହାଁ ଲୋ,

ପୁଣି ହେବ ବାଆଁ ଡାଁ ।

* * *

ଛତରା ବଜାର ହାଟ,

ଛକି ବସିଥିବ ଚଗଲା କାହ୍ନୁଲୋ,

ଛନ୍ଦରେ ମାଗିବ ଘାଟ ।

* * *

ଥୋଡ଼ ମଞ୍ଜା କଲି ରାଇ,

କଣ ନ କଲେ କଳା କହ୍ନାଇ ଲୋ,

ମୁହଁକୁ ଯା ନ ଅନାଇ ।

* * *

କରମଙ୍ଗା କଲି ରାଇ,

ମଥୁରାକୁ ଗଲେ କଳା କହ୍ନାଇ ଲୋ,

କଣ୍ଟ ଦେଇ ଗଲେ କାହିଁ ।

* * *

ସାଉଁଟିଲି ବିଲ ଘଷି,

କିମ୍ପାଇଁ ରାଧିକା ବସିଲା ରୁଷି ଲୋ,

ଫୁଲ ଶେଜ ହେଲା ବାସି ।

* * *

କଟକଟ ହୁଏ ଦୋଳି,

ଭାଉଜଙ୍କ ମନ ଯାଇଛି ଜଳି ଲୋ,

ଭାଇ ବିଦେଷୁ ନଆଇଲେ ବୋଲି ।

* * *

ଗରଜେ କଳା ବଉଦ,

ମୋତେ ତ ବରଷ ହେଲା ଚଉଦ ଲୋ,

ଗଲାଣି ପିଲା ସୁଆଦ ।

* * *

ବଇଁଶୀ ବାଜିଲା କୁଞ୍ଜେ,

ବଡ଼କଥା ବଡ଼ ଲୋକଙ୍କୁ ସାଜେ ଲୋ,

ଛୋଟ କଲେ ଛାଟ ବାଜେ ।

* * *

ଲାଞ୍ଜ ଟେକିଗଲା ବାଘ,

ନଇଁ ଚାଲୁଥିବ ବଡ଼ଙ୍କ ଆଗେ ଲୋ,

ଲାଗିବ ନାହିଁଟି ଦାଗ ।

* * *

ଛତୁ ଫୁଟେ ବରଷାରେ,

ଛତରାଟା କେତେ ଛଇ ଦେଖାଉ ରେ,

ଅଛି କି ତୋ ଭରଷାରେ ।

* * *

କରଡ଼ି ଖସିଲା ଆମ୍ବ,

ପର କାହୁଁ ଘର ପରାଣୀ ହେବେ ରେ,

ମନ ଜାଣି ଖଞ୍ଜି ଦେବ ।

* * *

ବିରାଡ଼ି ଛିଙ୍କିଲା ବଣେ,

ଆଗରେ ଯାଉଛି ନାଗର ଜଣେ ଲୋ,

ମୁଣ୍ଡି ଝାଡୁ ଖାଲି ପଣେ ।

* * *

ଅଦିନେ ପଣସ ସିଠା,

ବଚନରେ ଯାର ନଥଏ ମିଠା ଲୋ,

ସେଟା ବାଡ଼ ପକା କଣ୍ଟା ।

* * *

ପାହାନ୍ତି ରାବିଲେ ପେଚା,

ଯିଏ ହୋଇଥିବ ସିଂହର ବଚା ଲୋ,

ନ ଦେବ ପଛଘୁଞ୍ଚା ।

* * *

ମଇଁଷି ଶିଙ୍ଗରେ ଖସା,

ମଉସା ପୁଅଟା ଏଡ଼େ ସହସା ଲୋ,

ମତେ କଲା ଲୋକହସା ।

* * *

ଜାରା ମାରିଦେଲା ବାଣ,

ଯାହାଠାରେ ଯାର ମିଶିଛି ମନ ଲୋ,

ସେହି ଜାଣେ ତାର ଗୁଣ ।

* * *

କାଟି ଗଲି କଳାଦୁବ,

ଝିଅ ଜନମରେ ଏତିକି ଲାଭ ଲୋ,

ବନ୍ଧୁ ଘର ଅରଜିବ ।

* * *

କାଳୀଗାଇ ଦୁଧ କ୍ଷୀରି,

ନୂଆ ପୀରତିରେ ମଉଜ ଭାରି ଗୋ,

ପୁରୁଣାଟି ନିମ୍ବ ପରି ।

* * *

ଆମ୍ବ ପତ୍ର ଗହଳିଆ,

ପ୍ରୀତି ପଙ୍କେ ତୁହି ହେବୁ ଗୋଳିଆଲୋ,

ତୋଫା ହେବଟି ଧୁଳିଆ ।

* * *

ଥିରି ଥିରି ଚାଲେ ହାତୀ,

ଥୟ ନ ହେଉଛି କିମ୍ପା ଏ ଛାତି ଲୋ,

ଥକା ଦୋଳି ହେଲା ରାତି ।

* * *

ଆଖୁ ବାଡିତଳେ ଜହ୍ନ,

ଏବାଟେ ଯାଇଛି ମଧୁସୁଦନ ଲୋ,

ପଡିଛି କଠୋଉ ଚିହ୍ନ ।

ରଜ ମଉଜର ଗୀତ ।


ଓଡିଶାର ଘରେ ଘରେ ପରିଚିତ ରଜ ଉତ୍ସବର ହାର୍ଦ୍ଦିକ ଅଭିନନ୍ଦନ ।।

ଗଜ ରଜ କହ୍ନାଇ

Rate the content


Originality
Flow
Language
Cover design

Comments

Post


Some text some message..