ଅମୃତ ଜୀବନ
ଅମୃତ ଜୀବନ
ଶରତ ଦାଶ
ଜୀବନକୁ ଜିଇବାକୁ
କେତେ ଆଉ ଗୋଟାଇବି କଷ୍ଟ
କେତେ କାଳ କେତେ ଯୁଗ
ଧାଉଁଥିବି ଅସରନ୍ତି ପଥ ?
ନଦୀର ବାଲିରେ ବାଲିରେ ବସି କେତେ କାଳ
ଗଣୁଥିବି ଆକାଶର ତାରା
ସ୍ମୃତିର ଦଙ୍ଗାରେ ବସି
ଭାବୁଥିବି କଥା ଅପାସୋରା ?
କେତେ କାଳ ହେଉଥିବୀ ଆନମନା
ଅବଗାହି ସଂସାର ଜଞ୍ଜାଳେ
ଲାଭ ଓ କ୍ଷତି ଗଣିତ କଷି କଷି
ସାନ୍ଦ୍ର ଆଶକ୍ତିରେ ?
ଜୀବନ ରହସ୍ୟ ଏକ
ଜନ୍ମରୁ ମରଣ
ଜୀବନ ସଂଶୟ ଏକ
ଦୂରୀଭୂତ ଚେଷ୍ଟା ଅକାରଣ ॥
ଜଣା ନାହିଁ ଏ ଜୀବନ
ମିଳିବ କି ନାହିଁ ଆଉଥରେ
ବସୁଧା ମଣି କୁଟୁମ୍ବ ଆସ ଆମେ
ଜିଇବା ପ୍ରେମରେ ॥
ସଂସାରର ହିତ ଅର୍ଥେ
କରି ନିଜ ପ୍ରାଣ ସମର୍ପଣ
ଲଭିବା ସ୍ଵର୍ଗର ସୁଖ
ପ୍ରାପ୍ତ କରି ଅମୃତ ଜୀବନ ॥