End of Summer Sale for children. Apply code SUMM100 at checkout!
End of Summer Sale for children. Apply code SUMM100 at checkout!

PURUSOTTAM NAYAK

Tragedy


4.9  

PURUSOTTAM NAYAK

Tragedy


ସାବତ ପୁଅର ଚିଠି

ସାବତ ପୁଅର ଚିଠି

2 mins 483 2 mins 483

ବୋଉ ତୁମକୁ ମୋର ପ୍ରଣାମ,

ଆଶା କରୁଛି ଘରେ ସମସ୍ତେ ଭଲରେ ଥିବେ । ବାପାଙ୍କୁ ଆଉ ଠିକ୍ ସେ ଦେଖା ଯାଉନି ବୋଲି ତୁମକୁ ଚିଠି ଲେଖି ଜଣାଉଛି । ମୁଁ(ମଣି) ହତଭାଗା ଏକା ସିନା ଜନ୍ମରୁ ନିଜ ମା,କୁ ହରେଇଛି । ହେଲେ ତୁମକୁ ସବୁବେଳେ ମୋ ମାଆ ଭଳି ଦେଖି ଆସିଛି । ସାନୁ,ରାନୁ ବି ମୋ ଭାଇ ଭଉଣୀ । ପିଲାଦିନୁ ପ୍ରତ୍ୟେକ ଦିନ ତୋ ଠାରୁ ମାଡ଼ ଗାଳି ଖାଇଛି । କେବେ ଖାଇବାକୁ ମାଗିଥିବାରୁ ତ, କେବେ ସ୍କୁଲକୁ ବହି ଖାତା ମାଗିଥିବାରୁ । ବେଳେବେଳେ ମୋ ଗେହ୍ଲା ଭାଇଭଉଣୀ ଦି,ଜଣ ମିଛ ସତ କହି ତୋ ପାଖରୁ ମାଡ ଖୁଆନ୍ତି । ମୁଁ ମାଡ଼ ଖାଇଲେ ସେମାନେ ଖୁସି ହୁଅନ୍ତି ବୋଲି ମୁଁ କିଛି କହି ପାରେନା । ବାପା ବି ନାଚାର । ଶୀତ ଦିନେ ଥରେ ସାନୁର ଦୁଇଟା ସୁଇଟରରୁ ମୁଁ ଗୋଟେ ପିନ୍ଧି ଦେଇଥିଲି ବୋଲି ତୁମେ ମୋ ମୁଣ୍ଡ ଉପରେ ବାଲ୍ଟିଏ ପାଣି ରାତିରେ ଢ଼ାଳି ଦେଇଥିଲ । କହିଥିଲ ମନେରଖ ତୁ,ଟା ସାବତ ପୁଅ, ବୁଝିଲୁ ତା ପରଦିନ ମୋତେ ଜ୍ଵର ହୋଇଗଲା, ମାତ୍ର ସେଇ ଜ୍ଵର ଦେହରେ ବିଲକୁ ହଳ କରିବାକୁ କହିଥିଲ । ସେ ସବୁକୁ ମୁଁ ହସିହସି କରିଥିଲି । ସମୟର ଉଜାଣି ସୁଅରେ ମୋ ପାଠପଢ଼ା ମୋ ଶୈଶବ ଚପଳାମି ସବୁ କେଉଁ ଏକ ଅପହଞ୍ଚକୁ ଚାଲିଗଲା ।


ବୋଉଲୋ ମୋ ଜୀବନର ଦୁଃଖ ବୋଲି କିଛି ନଥିଲା । ତୋର ପ୍ରତ୍ୟେକ ଗାଳି ମାଡ଼କୁ ମୁଁ ଆଟଲାସର ପୃଥିବୀ ମୁଣ୍ଡେଇଲା ପରି ସହି ଯାଉଥିଲି । ଅନେକ ଥର ଭାବିଛି ବାପାଙ୍କୁ ଜଣେଇବି ବୋଲି , ହେଲେ କହି ପାରେନା । ମୋ ବିବେକ ବାଧା ଦିଏ , କାହିଁକି ନା ତୁମେ ପରା ମୋବୋଉ । ପରିବାର ପରିସ୍ଥିତି ଦେଖି ମୁଁ ତୁମ ମାନଙ୍କୁ ନ ଜଣାଇ ଘରୁ ପଳେଇ ଆସିଥିବାରୁ ମୋତେ କ୍ଷମା କରିଦେବ ।


ଏଇ ଦେଢ଼ ବର୍ଷରେ ଅନେକ କିଛି ଘଟି ଯାଇଛି । ମେଡିକାଲ ରେ ତୁମ ଦେହ ଖରାପ ଖବର ଶୁଣି ଯାଇଥିଲି । ଡାକ୍ତର କହିଲେ ତୁମ କିଡନୀ ଖରାପ ହୋଇଯାଇଛି । ଏ କଥା ଶୁଣି ମୁଁ ଡାକ୍ତରଙ୍କୁ ନେହୁରା କରି କହି ମୋର ଗୋଟିଏ କିଡନୀ ତୁମ ଦେହରେ ଲଗେଇଛି । ଗଲା ସନ ନୂଆ ବର୍ଷରେ ମଦ ପିଇ ଦୁର୍ଘଟଣାରେ ଆମ ସାନୁ ଯୋଉ ଡାହାଣ ଆଖି ନଷ୍ଟ ହୋଇଯାଇଥିଲା । ମୁଁ ଡାକ୍ତରଖାନାରେ ତା ଆଖି ବଦଳରେ ମୋ ଆଖି ବି ଲଗେଇଦେଇଥିଲି । ଘରଠାରୁ ଦୂରରେ ରହି ଏ ଅଭାଗା ମଣି ଟା କ'ଣ ଯେ କରି ପାରିଥାଆନ୍ତା । ତୋ କଥା ଆଜି ବହୁତ ମନେ ପଡୁଛି ।


ହେଲେ ମୁଁ ଆଜି ବେଲାଣସେନର କଟା ମୁଣ୍ଡ ପାଲଟି ଯାଇଛି । ବୋଉ ଲୋ ମୋ ଦେହ ଭଲନାହିଁ ,ଡାକ୍ତର ବାବୁ କହିଛନ୍ତି ଅତି ବେଶୀରେ ଆଠ ଦିନ ଆଉ ବଞ୍ଚିବି । ବୋଉଲୋ ଯଦି ମୁଁ ମରିଯାଏ । ମୋ ଶବ ପାଖରେ ବସି ତୁମେ ନ କାନ୍ଦିପାର ହେଲେ, ଥରୁଟିଏ ଖାଲି କହିବ_ମଣି_ ମୋ ପୁଅ!

ଆଉ ଭାତ ହାଣ୍ଡିରୁ ଦୁଇଟି ଭାତ ଆଣି ମୋ ପାଟିରେ ଖୁଆଇ ଦେବ । ବଞ୍ଚିଥିଲା ବେଳେ ନ ହେଲା ନାହିଁ, ମଲାପରେ ତ ମୋ ବୋଉ ହାତରୁ ଖାଇବି ।

        ଇତି

      ସାବତ ପୁଅ

ସେତେବେଳକୁ ଚିଠିଟି ବତୁରୀ ଯାଇଥିଲା । ଆଉ କିଛି ସମୟ ପରେ ଗାଁ ଭିତରକୁ ଗାଡ଼ି ଟେ ଆସିଲା । । । ଆଉ ତା ପରେ ରାମ ନାମ ସତ୍ୟ ହେ,ହରି ନାମ ସତ୍ୟ ହେ!



Rate this content
Log in

More oriya story from PURUSOTTAM NAYAK

Similar oriya story from Tragedy