ଦୀପାବଳୀ
ଦୀପାବଳୀ
ବଡ ବଡିଆ ହୋ
ଅନ୍ଧାରେ ଆଇଥିଲ ଆଲୁଏ ଆଲୁଏ ଯିବ
ଗଲାବେଳେ କିନ୍ତୁ ଦେଖିଚାହିଁ ଚାଲୁଥବ
ମହରଗ ପାଇଁ ପାଉଣା ଦେଇନି
ଲାଇନ୍ କଟିଛି
ଯେମିତି ଝୁଣ୍ଟି ନ ହବ।
ବଡବଡ଼ିଆ ହୋ
ଆଖୁ ବାଡ଼ି ନାହିଁ ନଳିତା କାଠିରେ
ଲାଗି ଯାଇଚି ତ ଉଇ
ଚାଷୀ ପାଖେ ନାହିଁ କାଉଁରିଆ
ଅଭାବୀ ବିକିରି ପାଇଁ
ଦିଆସିଲି ଦାମ୍ ଦି ଗୁଣ ହେଲାଣି
ଗାଈ ନାହିଁ କାହୁଁ ପାଇବି ଘିଅ
ବେଟରି ଲଗାଇ ଲିଚୁ ନଗେଇଚି
ଆସି ଥରେ ଦେଖି ଯାଅ।
ଚୁନା କୁଟିବାକୁ ଗୋଡ ଚାଲୁନାହିଁ
ବଜାରୁ ପେକେଟ ମିଠାକୁ ଆଣି
ହାଆପି ଦୀପାବଳୀ ୱିଶ୍ କରୁଛି
ମନଟା ଭିତରେ ହଉଛି ହାଣି।
ଆମ୍ବ ପତ୍ର ବିନା ତୋରଣ ଟାଣୁଛି
ଦୋକାନୁ କାଗଜ ମାଳାଟେ କିଣି
ଝୋଟି ନାହିଁ ଦେଖ ଦୁଆରେ ଦେଇଚି
କିଣା ରଙ୍ଗ କିଣା ମୁରୁଜ ଆଣି।
ଦୀପାବଳୀ ସୁଖ ହଜି ଯାଇଛି ହୋ
ମନରେ ସରଗ ଟିକିଏ ନାହିଁ
ନିଆଁ ଲଗା ଦର ପାଳେ ଦୀପାବଳୀ
ଏ ବର୍ଷଟା ଟିକେ ଥାଅ ଚଲେଇ।
କହିଦେଲି ଦୋଷ ଧରିବ ନାହିଁ
ବଡ଼ବଡ଼ିଆ ହୋ ମୋ ମୁଣ୍ଡରେ ରଖି ହାତ ଢାଳୁଥିବ
ଅପେକ୍ଷା ଟିକିଏ ଆଶିଷ ପାଇଁ।