ତୁମେ ହିଁ ତ ମୋର ସବୁ କିଛି

     ତୁମେ ତ ପ୍ରଭୁ ହେ ସବୁ କିଛି ମୋର

         ସବୁ ଠୁ ବଳି ନିଜର

     ତୁମେ ପିତା, ମାତା ତୁମେ ସୃଷ୍ଟିକର୍ତ୍ତା

        ତୁମେ ,ବନ୍ଧୁ ,ସହଦୋର ।।

     ତୁମେ ଯେ ବ୍ୟାପିଛ ସଚରାଚର

       ଆହେ ପ୍ରଭୁ ପରଂବ୍ରହ୍ମ 

     ଭକତ ଉଦ୍ଧାର କରିବା କାରଣେ

       ସ୍ତମ୍ଭୁ ନେଇପାର ଜନ୍ମ ।।

     ତୁମେ ମୋର ଗତି ତୁମେ ସଦ୍ଗତି

       ତୁମେ ତ ମୂଳ ଆଧାର

    ତୁମେ ଆଦିମୁଳ ତୁମେ ହେ ଅନନ୍ତ

      ତୁମେ ସ୍ବାମୀ ଅଖିଳର ।।

  ତୁମ ନାମ ଧ୍ୟାୟି କେତେ ଯୋଗୀ ମୁନୀ

     ନ ପାଆନ୍ତି ତୁମ୍ଭ ଦେଖା

  ମୁଁ ଛାର ରମଣୀ ନାମ ଆହ୍ଲାଦିନୀ

    କି ଭାବେ କରିବି ଆଶା ।।

   ଶରଣ ଦିଅ ହେ ତୁମ ପାଦ ପଦ୍ମେ

     ଏତିକି କରେ ମିନତୀ

  ତୁମେ ତ ପ୍ରଭୁ ହେ ମୋର ସବୁ କିଛି 

    ତୁମେ ଗତି, ତୁମେ ମୁକ୍ତି ।।