ନିଆରା ସମ୍ପର୍କ
ନିଆରା ସମ୍ପର୍କ
ଆପଣାପଣର ତରାଜୁରେ
ଭାଇ ଭଉଣୀର ସମ୍ପର୍କ
ସବୁଦିନେ ସମତୁଲ
କେବେ ବୁଝା ଅବୁଝା ପଣ
କେବେ ତ୍ୟାଗ ଆଉ ଆତ୍ମୀୟତାରେ
ଗୋଟାପଣେ ମସଗୁଲ
ହସ କାନ୍ଦରେ ସମୟ କଟିଯାଏ
ନଈରେ କେତେ ପାଣି ବୋହିଯାଏ
ତଥାପି ବାଟ ହୁଡେନା
ଭାଇଭଉଣୀର ସ୍ନେହ ଶ୍ରଦ୍ଧା
ଅଲଗା ଅଲଗା ଆକାଶ ତଳେ
ଜୀବନକୁ ଜିଇଁ ଚାଲିଲେ ବି
ପରସ୍ପର ପରସ୍ପରର ଦୁଃଖ ସୁଖରେ
ଚିରକାଳ ଗୋଟିଏ ଡୋରରେ ବନ୍ଧା
ନିର୍ମଳ ଅନୁରାଗକୁ ଅନ୍ତରେ ଭରି
ଦୁହେଁ ଦୁହିଁଙ୍କୁ ଭଲପାଆନ୍ତି
ସାରା ଜୀବନ ରାକ୍ଷୀର ମାନକୁ
ବଜାଇ ରଖିବାକୁ ବିଭୁ ସୁମରନ୍ତି
ଅନନ୍ତ ଆୟୁଷର ପ୍ରାର୍ଥନା କରେ
ଭଉଣୀ ଭାଇଟେ ପାଇଁ;
ଆଉ ଭାଇ ରକ୍ଷା କବଚ ସାଜେ
ତମାମ ଜୀବନ ଭଗ୍ନୀର ମୁହଁକୁ ଚାହିଁ ......।