ଲୋହିତ ଉତ୍ସାହ
ଲୋହିତ ଉତ୍ସାହ
ଭସା ମେଘେ ଭାସି ଗଲା
ଦୁଃଖର ବୋଇତ ,
ସୁଖ ଧରି ଆସେ ଝୁଲି
ଆଶ୍ବିନେ ଶରତ ।
ସରଗରୁ ସରାଗରେ
ମାଆ ଦଶଭୁଜା ,
ଆସୁଛନ୍ତି ଅବତରି
ମର୍ତ୍ତ୍ୟେ ସାଜ ସଜ୍ଜା ।
ଉତ୍ସାହରେ ନର ନାରୀ
ଧରି ପୂଜା ଥାଳି ,
ନାଚୁଛନ୍ତି ଆନନ୍ଦରେ
ଦେଇ କରତାଳି ।
ଲୋହିତ ବର୍ଣ୍ଣରେ ମାତ
ଆସୁଛନ୍ତି ଧରା ,
ହିଂସା, ଈର୍ଷା , ପାପ ନାଶି
ଶୋଷି ନେବେ ଖରା ।
ଭରି ଦେବେ ସୁଖ ଶାନ୍ତି
ଆନନ୍ଦ ପସରା ,
ନବ ଉନ୍ମାଦନେ ଜନ
ନଚେଇବେ ଧରା ।
ଶୁଭ ରଂଗ ନାଲି ବୋଲି
ପିନ୍ଧି ନାଲି ପାଟ ,
ଆସୁଛନ୍ତି ମାଆ ଦୁର୍ଗା
ମର୍ତ୍ତ୍ୟେ ବସେ ହାଟ ।
କାଶତଣ୍ଡୀ ରହି ରହି
ବିଞ୍ଚୁଛି ଚାମର ,
ମାଦଳର ତାଳେ ଭାଙ୍ଗି
ଯାଉଛି କମର ।
ଘରେ ଘରେ ପିଠା ପଣା
ଅପୂର୍ବ ବାସନା ,
ମହମହ ଧୂପ ଦୀପ
ପୂଜା ଅରଚନା ।
ନବ ଯୌବନୀ ନାଚେ
ଖସେ ପିନ୍ଧା ବାସ ,
ଚିନ୍ତା ନାହିଁ ଲଜ୍ଜା ପାଇଁ
ଅବା ପରିହାସ ।
ସ୍ଥାବର ଜଙ୍ଗମ କୀଟେ
ଆନନ୍ଦ ମୁଖର ,
ପାପୀ ତପୀ ନରାଧମ
ସୁର, ନର, ବୀର ।