ଧୂଆ ମୂଳା
ଧୂଆ ମୂଳା
ଧୂଆ ମୂଳା ଅଟେ ଖାଦ୍ୟ ଊପଯୋଗୀ
ସ୍ୱାସ୍ଥ୍ୟ ପାଇଁ ହିତକାରୀ
ଧୋଇଦେଲେ ମୂଳା ହୁଅଇ ବିଶୁଦ୍ଧ
ଛାଡ଼ି ଯାଏ ମାଟି ବାଲି ।
ପ୍ରକ୍ରିୟା ପ୍ରସ୍ତୁତି ପରିପାକ କଳା
ଶିଖିବାକୁ ହୋଇଥାଏ
ଖାଦ୍ୟ ଓ ଅଖାଦ୍ୟ ମଧ୍ୟରେ ପ୍ରଭେଦ
ସୁଜନ ହିଁ ଜାଣିଥାଏ ।
ବୁଦ୍ଧି ବିଦ୍ୟା ଜ୍ଞାନ ଅରଜି ମଣିଷ
ହୁଏ ସୁପାତ୍ର ବିବେକୀ
ସମାଜ କରଇ ଗ୍ରହଣ ଆଦର
ବ୍ୟବହାର ଗୁଣ ଦେଖି ।
ଉତ୍ତମ ପ୍ରଶିକ୍ଷା ଆଚାର ସ°ସ୍କାର
ଧୂଆମୂଳା ପଦବାଚ୍ୟ
ଅଶାଳୀନ ଯିଏ ଅଧୁଆ ମୂଳାରେ
ନଗଣ୍ୟ ତା ସ୍ଥାନ ନୀଚ୍ଚ ।
ନୁହଁଇ ସମାନ ଧୂଆମୂଳା ସହ
ଅଧୂଆ ମୂଳା ପ୍ରସଙ୍ଗ
ରୁଚିକର ସହ ଅରୁଚିକରର
ତୁଳନା ହିଁ ମୂଲ୍ୟହୀନ ।