वेड लावून जाते ती
वेड लावून जाते ती
कधी वेड लावून जाते ती
कधी भाव खाऊन जाते ती
झुरणं माझं जाणते ती
नेहमी हृदयात मावुन जाते ती ||0||
तीच माझं काव्य आहे
तीच माझे शब्द ही
तीच माझं वादळ आहे
अनं तीच शांत स्तब्ध ही
मनात माझ्या प्रीतीचं
गाणं गाऊन जाते ती ||1||
परीक्षा ही घेते माझी
असाच पास होत नाही
एक क्षण असा नाही की
तिचा भास होत नाही
प्रश्न इतके जीवघेणे
सुलाखून तावून जाते ती ||2||
वेड्या अल्लड मनाला
प्रेमाचा आसरा देते
संभ्रमित या मनाला
प्रत्येक क्षण हासरा देते
तिच्याच चिंतेत असताना
हृदय सुखावून जाते ती ||3||