कर्माची वाट
कर्माची वाट
माझं म्हणून मिरवलास
रमलास मौज मस्तीत |
भुललास कर्माची वाट
चंदेरी दुनियेच्या धुंदीत ||१||
जगमगणाऱ्या या दुनियेत
विसरून अपुला बालपण |
मायेचे ते सोनेरी दिवस
कशी तुला नसावी आठवण ||२||
ज्या हातांनी घडविले तुला
बनले तुझे सदैव रक्षक |
अपयशाच्या मार्गावरही
तुला बनू न दिले भक्षक ||३||
वेळ आता तुझ्या कर्तव्याची
पाठ फिरवून सोडतो हात |
टाकतो अधांतरीत मायबापाला,
वृद्धाश्रमाच्या दुःखी जीवनात ||४|
होतासं तू मायबापाची आशा
पण शेवटी तुझा सुटला तोल |
मायबापाविना जगात अशा
मनुष्याची किंमत मातीमोल ||५||