କେମିତି ହୁଅନ୍ତା

ନୂଆବର୍ଷ ପାଳିବା

ଶହ ଶହ ଟଙ୍କା ଖର୍ଚ୍ଚ କରି ଆମେ

ପାଳୁଛନ୍ତି ନବବର୍ଷ

ହେଲେ ଏ ଦେଶର କାହିଁ କେତେ ଲୋକ

ରହୁଛନ୍ତି ଉପବାସ ।

କେମିତି ହୁଅନ୍ତା ସେହି ଟଙ୍କା ଯଦି

ପେଟ କା'ର ଭରୁଥାନ୍ତା

ଗୋଟେ ଦିନ ପାଇଁ ଅନ୍ତତଃ ଲୋକଟି

ଶାନ୍ତିରେ ତ ଖାଉଥାନ୍ତା ।

କି ଲାଭ ପାଉଛେ ସେହି ପଇସାକୁ

ଵାରୁଦ ଧୂଆଁରେ ସାରି

କେତେ କାହିଁ ପୁଣ୍ୟ ମିଳନ୍ତା ଆମକୁ

ପେଟ କା'ର ଦେଲେ ଭରି ।

ହୋଟେଲ କ୍ଲଅଵ ନୂଆ ବରଷରେ

ଦେଉ ଅଛି ଯେତେ ଖୁସି

ଭୋକିଲା ପେଟକୁ ଦାନା ଗଣ୍ଡେ ଦେଲେ

ମିଳିବ ତାଠାରୁ ବେଶି ।

ପଇସା ଆମର ଲାଗିବ କାମରେ

ହେବ ନାହିଁ ଜମା ନଷ୍ଟ

ସେହି ପଇସାରେ ଅନ୍ୟ ଜଣଙ୍କର

ଦୂର ବି ହୋଇବ କଷ୍ଟ ।

ନୂଆ ବରଷର ଏହି ଭାବନାଟି

ଆସିଛି ମନକୁ ମୋର

ଭୋକିଲା ପେଟର ଭୋକ ମାରିବାକୁ

ହେବା ଆସ ଆଗଭର ।