दैवत शिवाजी ( अभंग रचना )

पहाटेचे स्वप्न | जिजाऊंचा प्राण॥

स्वराज्याची शान | शिवराय ॥१॥

बालपनी घेती | हाती तलवार ॥

कावा शत्रूवर | गनिमी तो ॥२॥

लढाया जिंकती | तह ही करती ॥

अशी राजनीती | सर्वश्रेष्ठ ॥३॥

परस्त्रीला मानी | ते मातेसमान ॥

संत शिकवण | तुकोबांची ॥४॥

आज्ञापत्रे पहा | काळजी प्रजेची ॥

अष्टमंडळाची | लोकशाही ॥५॥

सागरी नजर | होई थरकाप ॥

बसवती चाप | सरदार ॥६॥

संस्थापक होई | असा स्वराज्याचा ॥

राजा रयतेचा | छत्रपती ॥७॥

यवन इंग्रज | करती मुजरा ॥

राज दरबारा | लवुनिया ॥८॥

जिंकती ती मने | सुखी ती जणता

राजा हा जाणता | अलौकिक ॥९॥

दैवत शिवाजी | तो पृथ्वीवरती ॥

स्फुरते ही छाती | मराठीची ॥१०॥