ନମସ୍ତେ ସନ୍ତୋଷୀ ମାତା
ନମସ୍ତେ ସନ୍ତୋଷୀ ମାତା
ନମସ୍ତେ ସନ୍ତୋଷୀ ମାତା ଗଜାନନ ପୁତ୍ରୀ l
ସନ୍ତୋଷରେ ବର ଦେଉ ଅତି ଦୟାବତୀ ll
କରୁଣାମୟୀ ଜନନୀ ମାଆ କାତ୍ୟାୟନୀ l
ହସ୍ତରେ ତ୍ରିଶୂଳ ଶୋଭା ଶାର୍ଦ୍ଦୂଳ ବାହନୀ ll
ଶୁଭ୍ର ବସନୀ ମାଆ ଲୋ ସର୍ଵ ଶୁଭଙ୍କରୀ l
ଶୁକ୍ରବାର ବାର ମାତ ମାଆ ମାହେଶ୍ୱରୀ ll
ଗୁଡ଼ ଆଉ ଚଣା ମାତ୍ର, ମାଆଙ୍କର ଭୋଗ l
ତ୍ରିପୁରେ ପୂଜନ୍ତି ଦେବେ ଯକ୍ଷ ନର ନାଗ ll
ସକଳ କୈବଲ୍ୟଦାତ୍ରୀ ମାଆ ଦୟାମୟୀ l
ସନ୍ତୋଷେ ପୂଜିଲେ ଦୂର ଦୁରିତ ପଳାଇ ll
ଧନଜନ, ବିଦ୍ୟା, ଯଶ, ଅଇଶ୍ୱର୍ଯ୍ୟଦାତ୍ରୀ l
ଶୂଳ କୃପାଣ ହସ୍ତେ ମା' ତ୍ରିପୁରେ ଭ୍ରମନ୍ତି ll
ମହାଯୋଗେଶ୍ୱରୀ ମାତ ପରମବୈଷ୍ଣବୀ l
ପ୍ରତ୍ୟକ୍ଷ ବର ଦାୟିନୀ ତୁହି ମହାଦେବୀ ll
ବନ୍ଦନା ଗାଇଲି ମାଆ ଯାହା ଦେଲୁ କହି l
ପଦାମ୍ବୁଜେ ତୋର ଜ୍ଞାନଶୁନ୍ୟ ମୁଁ ନମଇଁ ll