ଆମ ଦୋଳଗୋବିନ୍ଦ
ଆମ ଦୋଳଗୋବିନ୍ଦ
1 min
183
ଆସ ହେ ଦୋଳ ଗୋବିନ୍ଦ ଫୁଲରେ ଦେବି ସଜାଇ
ଆମ୍ବ ସାକାର ମହୁଲ ଭୋଗକୁ ଦେବି ଲଗାଇ
ପଦ୍ମ ଚିତା ଆଙ୍କି ଦେଲି ଦାଣ୍ଡ ଦୁଆରେ ମୋର
ଧୂପ ଦୀପ ଜାଳି ଦେଲି ବାସୁଛି
ଘର ଦୁଆର
ଆସ ହେ ଦୋଳ ଗୋବିନ୍ଦ ବିମାନରେ ବିଜେ ହୋଇ
ଆସିଛି ଫଗୁଣ ପୁଣି ସାତ ରଙ୍ଗ ସାଥେ ନେଇ
ତୁମରି ଦର୍ଶନ ଯେବେ ଏ ଜୀବ କରିବ
ସକଳ ପାତକରୁ ମୁକତି ସେ ଲଭିବ
ଆସ ହେ ଦୋଳଗୋବିନ୍ଦ ରାଧାଙ୍କୁ ସାଥିରେ ନେଇ
ଶ୍ରୀ ଅଙ୍ଗେ ତୁମର ଫଗୁ ପ୍ରେମରେ ଦେବି ଲଗାଇ
ବରଷକେ ଥରେ ତୁମ ଯାତରା ହୋଇବ
ପ୍ରତି ଘରକୁ ଯାଇ ଭକତ ମନ ବୁଝିବ
ଆସ ହେ ଦୋଳଗୋବିନ୍ଦ ମୁରଲୀ ହାତେ ବଜାଇ
କରୁଣା ବରଷୁ ଥିବ ଶରଣକୁ ତୁମ ନେଇ