Happy* birthday 🎂 आप्पा*

आठवणींनी भरून काढावासा वाटतो हा दिवस तुमचा,

परमदैवत समान प्रेमळ स्वभाव आमच्या आप्पांचा

माता पिता गुरुप्रमाणे सांगितल् या गोष्टी संस्काराचा.

उलटे आयुष्य पुन्हा नव्याने सुरू व्हावे अशा शुभेच्छा.

'आमचे आप्पा' एवढाच शब्द जरी मुखातून निघाला तरी डोळे पाण्याने डबडतील एवढं प्रेम अंतकरणात दाटून येतं. अशा आमच्या प्रिय सुरेश आप्पांचा आज वाढदिवस आहे. काय वर्णन करावं त्यांच्या स्वभावाचं. जेवढे शब्द शोधावे तेवढे कमी पडतील. आनंदी, अति प्रेमळ, गोड अंतकरण ,काचेसारखे स्वच्छ हृदय, ममतेने भरलेले मन, शरीर जरी पुरुषाचे तरी स्त्री प्रमाणे मायाळू हृदय, जबाबदार पितृत्व, कोमल भावना आणखी काय काय लिहावं आणि गुणांचे वर्णन करावं म्हणजे ज्ञानी कवि, हुशार, वाक्चातुर्य असलेले, शीघ्र जवाबी हसतमुखी नेहमी दुसऱ्यांना हसविण्यासाठी तत्पर वाचनाचा छंद असलेले असे आमचे आप्पा. शब्दांची किमयावर प्रभुत्व असलेले श्रेष्ठ कवी आणि हास्य लेखक सुद्धा.

      आप्पा म्हणजे आमचे मावसा. सुरेश आप्पा आणि नलू मावशी. दोघांना आम्ही आप्पा आणि आप्पी या दोन प्रेमळ शब्दांनी संबोधन करतो. आजकाल आपण पुष्कळ असे नातेवाईक पाहिले असतील की जे स्वार्थापोटी रक्तांच्या संबंधात पण ओट येऊन तोडून टाकतात. सख्खे भाऊ बहीण यांना पण संपत्तीसाठी भांडतांना, नको ते अपशब्द बोलताना पाहिले आहे. आई वडील आणि मुलांना पण एकमेकांशी संबंध तोडताना पाहिले आहे पण आज ज्यांच्या विषयी मी सांगू इच्छिते असे हे आमचे आप्पा आणि आप्पी म्हणजे सर्व संबंधांपेक्षा वरच्या स्थानावर बसवलेले हे आमचे नातलग. मावसा मावशी. यांना फक्त आम्हीच नाही पण प्रत्येक नातेवाईकांनी सन्मानाचे स्थान दिलं आहे. काही संबंध असे असतात की आपण तोंडासमोर प्रशंसा करून विसरून जातो पण आप्पा आणि नलू मावशी या दोघांच्या स्वभाव असा आहे की त्यांच्या समोरही आणि मागूनही तोंडातून फक्त कौतुकाचेच शब्द निघतील.

    लहानपणीच्या गोष्टी आठवल्या तर आम्ही राहायचो सुरतला. सुट्ट्यांमध्ये मामाकडे मालेगावला जायची. मालेगावला सर्व मंडळी जमायचे. आप्पा आणि आप्पी पण आम्हाला रावळगावला घेऊन जायचे. आप्पा आम्हाला खूप मजेशीर गोष्टी सांगायचे. जोकस् सांगायचे. त्यांच्या कपाटात असलेल्या पुस्तकांच्या संग्रह मी नेहमीच पहायची. आणि एखादं पुस्तक काढून मी पण वाचायची. तेव्हापासून मला वाचनाचा छंद लागला. त्यांच्या डायरीत सर्व लहानांपासून मोठ्यांपर्यंत सर्वांची जन्मतारीख लिहिलेली असायची. मला चांगले आठवते की माझी जन्मतारीख मला त्यांच्या डायरीत माझ्या लग्नानंतर सापडली होती. पुस्तक वाचनाचा त्यांच्या छंद, काव्य लेखन याची आवड वारसा रूपाने माझ्यात हळूहळू उतरत आहे त्याचा मला खूप आनंद आहे.

     आम्ही दोन्ही बहिणी म्हणजे मी आणि कल्पनाताई. आमच्यावर आप्पा आणि आप्पांच्या विशेष प्रेम आहे कल्पना (तायडी) मी म्हणजे मीना (मायडी) आमच्या दोघांच्या पण आप्पा व मावशीवर जीवापाड प्रेम आहे .असे मावसा मावशी आम्हाला खूप नशिबाने मिळाले आहेत.

     सर्व लहान मंडळी असो का मोठी आप्पा बद्दल विशेष माया. त्याचं कारण म्हणजे स्वतःच्या पोटची पोर जरी परमेश्वराने त्यांच्या झोळीत दिली नाही. तरी सर्व लहान मुलांवर त्यांच्या आई-वडिलांपेक्षा पण खूपच प्रेम त्यांनी केलं .स्वतःची आर्थिक परिस्थिती नसताना स्वतःच्या पोटाला चिमटा देऊन त्यांच्या घरून दारातून एकही व्यक्ती नाराज मनाने परत जाऊ दिला नाही. कधीच स्वतःची संकटे कोणासमोर मांडली नाहीत. होईल तेवढं स्वतःचं सहन करतील. स्वतःचे दुःख लपवून दुसऱ्यांना हसविण्याचा विशेष गुण आप्पा मध्ये आहे .शक्य तोवर स्वतः च्या संकटांना स्वतःच तोंड देतात आणि दुसऱ्यांच्या दुःख दूर करण्यासाठी समोर उभे राहण्याच्या पूर्ण प्रयत्न करतात.

    आप्पा आणि मावशींनी आम्हाला खूप माया लावली आहे आम्ही दोन्ही बहिणींना आई-वडिलांप्रमाणे त्यांनी जपलं सांभाळलं आणि आमचे सर्व लाड पुरविले . (आप्पांची आईचा) उतरत्या वयात आजीच्या सांभाळ पण त्यांनी एखाद्या लहान मुलाप्रमाणे खूपच काळजीपूर्वक केला.

    मी तरी लांब सुरतला आहे पण ताई साठी तर तेच आई वडील आणि माहेर आहे. ताईला तर अगदी पोटच्या मुलीसारखं प्रेम त्यांनी दिलेलं आहे .ताई सुद्धा आई-वडील म्हणून त्यांची काळजी घेत असते. ती तर नेहमी म्हणते की पुढच्या जन्मी याच माऊलीचा उदरातून आणि ह्याच पित्याच्या सानिध्यात माझ्या जन्म व्हावा अशी ईश्वरचरणी विनंती करते. तृप्ती (कल्पना ताईची मुलगी) पण बाबांना खूप जीव लावते. जर दोन-तीन दिवस पण ती आप्पांशी फोनवर बोलू शकली नाही. तर त्यांच्यात म्हणजे बाबा आणि नात यांच्यात गोड भांडणे होतात आणि या गोष्टी जेव्हा ती मला सांगते तर त्यांच्या त्या भांडणाच्या गोष्टी ऐकायला मला खूप मजा येते. आप्पांचा जोक्स गोष्टी कविता ऐकून आम्ही लहानसे मोठे झालो.

    असो, आप्पा आज तुमच्या वाढदिवसानिमित्त तुमच्याबद्दल खूप काही लिहून तुमच्या चरणी भेट घराविसी वाटते पण वेळ आणि शब्द दोन्ही खुटतील. एवढेच सांगते की उतरत्या वयात तुम्ही दोघेही एकमेकांना कधीच एकट समजू नका. पुढच्या प्रवास शारीरिक दृष्टीने जरी कठीण असला तरी तब्येतीची फुलासारखी काळजी घ्या. तुम्हाला भरपूर आयुष्य लाभो तुम्ही जे आमच्यासाठी केलं ते परत फिरून तुम्हाला फळ रूपाने नक्कीच मिळेल फक्त तुमचा आशीर्वाद सदैव आमच्या डोक्यावर असावा हीच सदिच्छा.

*थर थरणारे हात तुमचे हातात घेऊन,

नजरेत एकांताची भावना ओळखून

भावशुन्य विश्वात डोळे भरभरून

चेहऱ्यावर अलगद दृष्टी फिरवून

ओळखतो आम्ही तुमच्या अंतकरणाला

समजू नका एकांती या मनाला.*

*वाढदिवसाच्या अनेक अनेक शुभेच्छा आप्पा*