कवितेचे एक कडवे

कवितेच्या एका कडव्यात

बाप कधीच मावत नाही

शोधून शोधून थकलो तरी

कणभरही हाती गावत नाही.

कवितेच्या एका कडव्यात

माया आईची कशी शोधावी

डोंगराएवढ्या खस्ता तिच्या

चारोळीत ती कशी बसावी.

कवितेच्या एका कडव्यात

बायको मात्र अँडजस्ट करते

थकल्याभागल्या कवितेसारखी

तीही आपसूक कवेत येते.

कवितेच्या एका कडव्यात

लपलेले आहे अवघे सार

आख्ख्या कवितेचा सारा भार

पेलून नेतात हो ओळी चार.