आजही बरसतो

माझ्यासाठी तो पाऊसवेडा,

आजही गाणे गातो,

माझ्या मनाला हिरावून,

तो धुंद आजही बरसतो...

चातकासारखी तो वाट पाहतो,

चिंब भिजण्यासाठी तो आतुर असतो,

माझ्या लिहिलेल्या शब्दांना तो जपून ठेवतो,

तो माझ्यासाठी धुंद आजही बरसतो... 

पावसाचं वेड त्याचं मला अजूनही कळलं नाही,

पावसाची चाहूल लागताच, त्याला काही सुचत नाही,

मुक्त, मनसोक्त पावसात तो भिजत राहतो,

मी पाहिलंय तो धुंद आजही बरसतो...