आई बाबा

नऊ मास उदरात

वाढवी माय माऊली

दोन नाजूक त्या जीवास

लाभे पित्याची सावली

करून रक्ताचे पाणी

पान्हा पाजे लेकरास

कस विसरून चालेल 

सांगा आईच्या त्यागास

बाबा बोटास धरुनी 

पाऊल टाकाया शिकवी

कष्ट करून अपार

घास सुखाचा भरवी

आई बाबा असतात 

प्रेम वात्सल्य आगर

नाही आटणार माया

असा ममत्व सागर

नका विसरू कधीही

पांग हे आई-बाबांचे

सेवा करुन तयांची

पुण्य मिळवा चारिधामाचे

जगी तोच खरा सुखी

आईबाबा ज्या हो घरी

जिथे जन्मदात्यांचा अनादर 

भरभराट नसे त्या दारी