Radha ka badla

Chapter 1

Radha, ek ameer gharane ki beti, ek shaam apne ghar ke lawn mein khoon se latpat milti hai. Usne ek safed dress pehni hoti hai, jo ab laal ho chuki hai. Uske samne khade do log—ek ladki aur ek ladka—usse dekh kar hans rahe hote hain. Unka naam hai Ram aur Moheni.

Radha ke dimaag mein bas ek hi sawal hai—yeh mere saath kya ho gaya?

Flashback:
Radha ek bholi aur masoom ladki thi, jise Ram se pehli nazar mein pyaar ho gaya. Ram ne bhi use propose kiya, lekin Radha nahi jaanti thi ke Moheni—unki ghar ki nokrani—Ram ke saath milkar use barbad karne ki saazish rach rahi hai. Moheni hamesha Radha ki zindagi jeena chahti thi—uski amiri, uska pyaar, sab kuch.

Shaadi ke din Radha ko zahar de kar maar diya gaya.

Scene shift:
Yeh sab ek comic book mein likha gaya tha—jo Zoya naam ki ladki padh rahi thi. Usse yeh story itni bakwaas lagti hai ki woh zor se kehti hai, "Yeh kya bekaar kahani hai!" Uske baad uska accident ho jaata hai.

Jab Zoya aankh kholti hai, toh woh khud ko Radha ke roop mein comic ke andar paati hai. Ab woh shocked hone ke bajaye khush hai.

"Main comic ke andar hoon... main Radha hoon... sabse ameer! Aur mujhe toh pata hai Ram kya karne wala hai, Moheni kya chahti hai. Is baar main kuch alag karungi."