डाव

जीवनाच्या रंगमंचावर

डाव रंगवायचा आपला

चेहऱ्यावर चेहरा एक

थर जणू तो लेपला

तीन अंकाचे नाटक

जणू पहिला बालपण

होत असे लाड फार

घरदार जाई आनंदून

दुसऱ्या अंकात तरुणाई

ना उद्याची फिकीर ना परेशानी

मनमौजी जगणे असे

क्षणभंगुरतेत विरुनी

शेवटचा अंक म्हातारपण

ठेवा नव्या पिढीसाठी

अधिक वजा करताना

रिते हात कोणासाठी?

प्रत्येकाने रंगमंची या 

खेळ तो खेळायचा

आपला डाव संपला

दुसऱ्या हाती सोपवायचा